| (ट-ण)
ट
टसकै
बौ कियां करै कार
जको टसकै सिर रै भार।
ट्यूसन-1
मास्टर स्कूल मैं
क्यू पढावै
जद छोरा बांर रै घरै
आपै ही पढणनै आवै।
ट्यूसन-2
मास्टरजी छोरी रै ब्याव खातर
कर्र्यौ 'ओपन कम्पीटिसन'
जीतग्यो बो छोरो
जको करतो मास्टरजी कन्नै ट्यूसन
टाटा
पति मारतो रै' यो
सारी रात खर्राटा
दिनुगै बा कहगी 'टा टा'।
टाल
जद स्यूं बां खोली है
लकड़ियां री टाल
बै बूझण लागग्या
बीमारां रो हाल।
टाई
देखो बां री नकटाई
हिन्दुस्तानी हो'र
पै' रै टाई।
टिचकारी
ऊंट नै लागै खारी
टिचकारी।
टुणकलो
बहू सूक' र इसी हुगी
जिसौ हुवे तिमकलो
बीं' नै तो खाग्यो भाया
सासू जी रो टुणकलो।
टेम-1
पै' ली खांवता
काकड़िया-मतीरा लपालप
पण अब चालै
चावड़ी कप पर कप।
टेम-2
बां' नै लेटतलीफ़ी
कतई कोनी सुहावै
बां कनै तो टेमकोनी
जणा देरस्यूं आवै।
टैंट
जद सा' ब रो
नेड़ै आग्यो रिटायरमैन्ट
तो बां पैन्डिंग वर्क वास्तै
लगा लियो टैंट
टोटो-1
बारै धीणै रो कोनी टोटो
जिकां रै घरे है कूंडी घोटो।
टोटो-2
दुनिया मांय
एक ई बात रो टोटो
तूं नीं, हूं मोटो।
ठ
ठा' कोनी
बां' नै दीखै
सात भोग रो
पण ठा' कोनी
आपरै रोग रो।
ठीक-ठाक
मा मरगी
दादी है मरणआली
भाई रो कटग्यो नाक
बाकी सब ठीक-ठाक।
ड
डर
चोर रै मन मैं
डर बसै
ई कारण ही
बो फसै।
डकार
जनता बोलै
बां री जय जयकार
जका देश रो धन खा'र
लेवै कोनी डकार
डांई
बाप मरग्यो
बां काढ दी आपरी डांई
करवा' र सिर मुंडाई।
डाक
म्है डाकियै सूं
आग्या नाक-नाक
बो ल्यावै कोनी
म्हारी टाक
डैड
इट इज़ वेरी बैड
बीवतै बाप नै
कै' वे डैड'।
डोन्ट वरी
मरीज़ नै देख'र
डाक्टर बोल्यौ, 'डोन्ट वरी'
आज बार आछो कोनी
काल मरी।
ढ
ढीली धोती
घरे जामतां ई पोती
बांरी ढीली हुगी धोती।
ढोई
बीनै हुई कोनी
कठै' ई ढोई
पाछी घरे आ'र सोई।
|
ए ऐ ओ औ अं अ:
