| (च-ञ)
च
चल
बां री बजार मैं
आच्छी है चल
जणै-कणै स्यूं
खावै है खल।
चक्को जाम
जकै नै राखै राम
बीं रो कुण कर सकै
चक्को जाम।
च्यवनप्रास
छोरो हुग्यो पास
खा'र च्यवनप्रास।
चवन्नी
बै काम सूं काटै कन्नी
बां नै मुफ्त मैं भावै चवन्नी।
'चा'
बां रै कुण जावै
जका 'चा' कोनी पावै।
चांदणी चौक
ओहै चांदणी चौक
अठै लूटण पर कोनी रोक।
चाटो
बो भी कै' वै
कै मन्नै चाटो
जकै रै खरे कोनी
दो टैम रो आटो।
चालै
बांगी घर मैं
खोली चालै
पण घरआली बांनै
छा कोनी घालै।
चिकणास
टींगर हुया कोनी पास
खाग्या घर रो
सगलो चिकणास।
चुग़लख़ोर
पेमलीबोर
खांता-खांता
लोग हुवै कोनी बोर।
चुनाव-1
सरु हुगी हेराफ़ेरी
बाजतां' ई चुनावी रण भेरी।
चुनाव-2
गांव रै गौरूवैं
जकी चुगती फिरै छाणा
म्है बी नै
चुनाव मैं ही पिछाणा।
चुनाव-3
बण चनाव लड़न री
खाई क़सम
भलां ई सामणै
हुवै ख़सम।
चुनाव-4
चुनाव मैं
मोटा-मोटा ढहग्या
बै जियां हा बियां ही रहग्या।
चोर
जको चोरी रै ख़िलाफ
लगला स्यूं जादा करै रोलो
बौ' ई है चोर तगड़ो
बै' लां बी' नै पकड़ो।
चोर उचक्का
विधानसबा मांय
पूं' चग्या चोर-उचक्का
मारै चोौका
बतावै छक्का।
चौपड़ तमासा
घरे भूख करे तमासा
बै गुवाड़ में खेलै
चौपड़-पासा।
चौका-छक्का
जका बरसां तांई
लगाया चौकां अर छक्का
बै घरआली आगै
रहग्या हक्का-बक़्का।
छ
छांटै
बै है पुलिस आला
बानै कुण डाटै
रे' ड़ी पर चोखा-चोखा आम
मुफत मै छाटै।
छेद
संसार रो
कुण जाण सकै भेद
संसार में छेद ही छेद।
छोरो
हिंजड़ै रै घरै
छोरो हुयो
बड़ोदोरो हुयो।
छोकरी
बो करै
दो टकां री नौकरी
बीं रै पिसन्द कोनी आवै
कोई भी छोकरी।
ज
जनतन्त्र
कुण है देसी
अर कुण परदेशी
ओ है प्रजातन्त्र
अठै तो सगला ही रै'सी।
जलम भौम
म्हानै तो प्यारी लागै
महाली जलम भौम
म्हारै के काम रा
'इटली' अर 'रोम'।
जस
मरतां ईं
बां रो फैलग्यो
च्यांरूं कूंटा जस
लुगाया गावै हरजस।
ज़मानत
जका कैं' वतां कै
सगली सृष्टि म्है ही रची
बां री जडमानत ही कोनी बची।
जम
बै आदमी है जम
जका कर लेवै लोह नै भी हज़म।
जालसाज़ी
दोनां रै दिल' मांय जालसाजी
बौ बिठा'र कोनी राज़ी
अर बौ बैठ' र कोनी राज़ी।
जागै
बीं रै कोनी कोई
लारै आगै
फेर भी बौ
सारी रात जागै।
ज़िद
न मिंदर बड़ो
न मस्जिद
सैंस्यूं बड़ी ज़िद।
जीवनस्तर
जीवनस्तर मैं
बै सैस्यूं आगै
आधी रात रा सोवै
अर दोपारै जागै। जुलम
जुलम हुयौ भौत
थाणै मांय पिटाई
अर अदालत मांय मौत।
जूती
लुगायां री बाजै
घर-घर तूती
बू क्यूं बणै
आदमी री जूती।
जोड़ी
कठै पड़ी है
राम सीता सी जोड़ी
अब तो ब्लाह हुतां ई
करण लागजावै सिरफोड़ी।
झड़ी
झ
खाली होवतां' ई बोतलड़ी
बां लगा दी गालां री झड़ी। झगड़ो
बां स्यूं
कुण करै झगड़ो
जिका रो खूंटो है तगड़ो।
झूठ
कदी-कदास
आंख्या देखी बात भी
हु जावै झूठ
हलदी बणजावै सूंठ।
झोटी
बां रै ब्यायोड़ी है
च्यार झोटी
पण बेच देवै दूध
अर खावै मिरच-रोटी।
|
ए ऐ ओ औ अं अ:
