| (त-न)
त
तटस्थ
कोई जीतै कोई हारै
बै तो निकलै कोनी
घर स्यूं बा'रै।
तजबीज़
देखो बांगी तजबीज़
बां 'बीज' लियो खेत
बिना 'बीज'।
तगड़ा डाक्टर
बै है तगड़ा डाक्टर
बा नै देख'र
नौ मरग्या
दस डर'र खुदकसी करग्या।
तलब
म्हारो तो धन्धो है
म्हे तो बेचांगा 'तलब'
कोई मरै म्हानै के मतलब।
तहदिल
बै म्हाने
तहदिल स्यूं चावै
जद घरे जावां
पतो पाणी ही कोनी पावै।
ताबै
कोई आक चाबै
कोई चणा चाबै
बां रै मुफ़्त मैं आ गी
जलेबी चाबै।
ताज
किसौ' आयो राज
डेडरियै नै ताज।
तारागीणै
बै दुनिया नै मिणै
आपरी बारी आवै
तो तारागिणै।
तारीखां
बण सगली उम्र
एक ही काम कर्यौ
तारीख़ां फिर्यौ।
तियो
हांत ईं बाप रो तियो
बां फेंक दियो पोतियो।
तीलो
छोरो छैल-छबीलो
बीड़ी सिलगावणनै
कोनी तीलो।
तीन पाणां
घर मैं तीन काणां।
तीना रा तीन पाणां।
तूड़ी
लुगायां कर दी
मंत्रीजी री तूड़ी
पैरा'र चूड़ी।
थ
थाणौ
घर मांय कोनी दाणो
के करै लो थाणो।
थाणेदारी
देखी बा' री थाणेदारी
घरे काढै बुहारी।
थोथा बांस
बै बैठ्या दुकान मैं
थोथा बांस बजावै
कोई हुवै बां जिस्यौ
तो बां रै नेड़ै जावै।
द
दसवों ग्रह
जवाई दसवों ग्रह
छोरी बिना कोनी रह।
दसखत
आंतां ही मंत्री जी रो ख़त
बां कर दिया
कौरे कागद पर दसखत।
दायजो-1
कुणपूछै
सिक्सा अर संस्कार नै
कार आणी चाइजै
म्हारै बारनै।
दायजो-2
जद खुद नै देणों पड़ै
तो सगलां रै चुर्णियां लड़ै।
दांत भींचै
बां रैमकान री छत पड़गी
सगलां दबग्या नीचे
बां' नै कुण खींचै
बै पड़ोसियां पर दांत भींचै।
दामाद
सगली उम्र री अलबाद
छाती मांय घाल देवै राध।
दारू-1
बै हा ठाडा कारू
पण हुग्या बरबाद
पी-पी' र दारू।
दारू-2
बै रोटी कोनी चाखै
दिन अर रात
बोतल हाथ मैं राखै।
दारू-3
घरे मोकलो धीणो
टींगर चावै दारू पीणो।
दान
दे'र गरीब नै
कुड़तियै रो पूर
बै करण लागग्या
दान रो गुरूर।
दाय आयगी
देख'र दायजो
बीन रै बाप री
आंखां चुंधियागी
अर बीनै लूली लंगड़ी बीनणी
दाय आयगी।
दुआ
बां री मरगी लुगाई
बां करी भगवान स्यूं दुआ
कर दे सगला नै रंडुआ।
दुबारा
बां रा हुग्या वारा-न्यारा
जद बण्या
एम.एल.ए. दुबारा।
दुरगादास
नाम दुरगादास
लेवै परमिटा सूं सांस।
दुःख
बानै एक ही बात रो दुःख
बै देख नीं सकै कीं रो ई सुख।
दूध
बै बेचै दूध/ पाणी रला'र
फेर भी दूध खातर
लोग भिरै बारै लार-लार।
दूर
बीं ख़सम रा
कुण धोवै पूर
जको सियालै मैं भी
रै' वै दूर।
दोगलोपणो
नेताजी नै
चावै जणे-कणो
बानै तो ले बैठ्यौ
बां रो दोगलोपणो।
दो बाणी
एक ख़सम री दो बाणी
अणपढ़ नै कै' वै नोकराणी
पढ्योड़ी नै राणी।
दौरा
बै हुया कोनी
रत्ती भर दौ' रा
फेर भी लिया भत्ता
दिखा' र फर्जी दौरा।
ध
धरमेलौ
पुलिस अर चोरां
कर लियो धरमेलौ
आप री टूम टाकी
ढंगस्यूं मे' लौ।
ध्यान
कीं न कीं तो
पार्लियामेन्ट में ध्यान राखो
थूको बारै
मुंह मैं भलाईं पान राखो।
धन्धो
बै करै लकड़ियां रो धन्धो
जद कोई नीं मरै
तो बां रै आ ज्यावै मंदो।
धरै
जे भगवान मिल जावै
तो सगला बीं रै दो च्यार धरै
क्यूं कै बो सावण भदावै मैं ही
मेह कोनी करै।
धर्म भाई
तूं चोर मैं सिपाई
आ बण ज्यावां धर्म भाई।
धापूड़ी
नाम धापूड़ी
खा गी सत्तर पूड़ी।
धापी-पापी
बण राखौ करवा चौथ रोत बरत
बोली मैं ईंस्यूं धापी
आगलै जन्म मैं
नीं मिलै इस्यो पापी।
धाप
बां खोल राखी है
टाबरां री वर्कसाप
है दस टाबरां रा बाप
फेर भी आई कोनी धाप।
धोवै
बो सुख स्यूं सोवै
जको लुगाई रै आगे
भांडा धोवै।
धोकाबाजी
बण करी कोनी
कोई धोकाबाज़ी
घर रै दवेर सागै ही भाजी।
न
नंग
नंग आंस्यूं
भगवान भी तंग।
नरेश
छोरै रो नाम नरेश
कचैड्या मैं चालै
बीं पर सत्तरबीसी केस।
नमाज़
बै पढ़ता रै या
पांच बखत नमाज
पण आया कोनी
बुरी आदतां स्यूं बाज।
नर्स
बण ले लिया अस्सी बरस
करावै इलाज
घरे बुला' र नर्स।
न्यारी
प्यारी!
कवि सुपनै मैं
मारी किलकारी
दिनूगै घरआली
होगी न्यारी।
न्यारो
जद भेलां मैं
भगवान बसै
तो छोरा के ठा
न्यारा होण नै क्यूं खसै?
नाखून
छोरी रा
हाथ-हाथ रा नाखून
कर राख्या है लाल
जाणै कर'र आई है खून।
नालो मोड़ै
जका जामतां ई सिर फोड़ै
बां रो कुण नालो-मोड़ै।
निरादर
बठै रै' णै मैं
के फायदो है 'ब्रादर'
जठै जामेड़ा भी
करै निरादर।
निपूतरी
निपूतरी
सैंस्यूं साफ़ सुथरी।
नीच
जुल्म होतां देख'र
जको लेवै आंख्यां मींच
बो है नीच।
नीतरेड़ा मैल
बै है नीतरेड़ा मैल
जका फिरै
पराई लुगायां रै गैल।
नींद हराम।
बांगो एक ही काम
करणो लोगां री नींद हराम।
नुक्स
छोरै मैं कीं कोनी नुक्स
आंख्या है छोटी साठेक खावै रोटी
अर चलतां री पटलेवै चोटी।
नुंह
छोरो बाढ़'र
गयो कोनी नुंह
मास्टरजी मार'र थप्पड़
टींगर रो भुंआदियो मुंह।
नूंई बीनणी
नूंई बीनणी नै
सै' चावै
जद हुज्यावै पुराणी
तो बटका सूं खावै।
नेता
नेता है सगला
दूध रा धोयोड़ा
अर गत्ता सूं खोयोड़ा।
नेह
बो जाणै नेह निभाणो
उठज्यै सासरै उभाणो।
नेक
है हा गुण्डा
हुग्या नेक
पड़तां' ई जूत दसेक।
नैतिकता
बै नेतिकता स्यूं
जुड़्योडां है
बांगै जूत घणा ही
पड्योडा है।
|
ए ऐ ओ औ अं अ:
