आपाणो राजस्थान - समाचार

साहित्यिक सहयोग: राजस्थान साहित्य अकादमी, उदयपुर मई की सरूआत में ही अलग-अलग योजनावां रे तहत *16.74 लाख रुपिया* को बजट पास कर्यो है। आ रकम प्रदेश का साहित्यकारां, खोज करबा वाळां और नया लिखण वाळा (युवा लेखकां) री पोथियां (किताबों) नै छपवावण और बांरी मदद सारु दी जावेली।

* *पद्मश्री 2026:* राष्ट्रपति द्रौपदी मुर्मू अभी दो दिन पैलां ही राष्ट्रपति भवन में राख्या गया एक कार्यक्रम में राजस्थान का डीग जिला का रहवाळा *गफरुद्दीन मेवाती जोगी* नै कला रे क्षेत्र में मोटो *पद्मश्री पुरस्कार* दे'र सम्मानित कऱ्या है। * *सांस्कृतिक महत्व:* गफरुद्दीन मेवाती पाछला कई सालां सूं लुप्त होती राजस्थानी लोक वाद्ययंत्र *'भपंग'* बजावण री परंपरा नै जीवती राख रह्या है। वे भपंग रे साथै-साथै अलगोजा, चिकारा और जोगी सारंगी जियां 12 पारंपरिक बाजां बजावण में उस्ताद है, जो राजस्थान का लोक-साहित्य और मेवात का इतिहास नै अपणी गयकी रे जरिये सहेज रह्या है।

राजस्थानी भाषा नै बचावण और आगे बधावण सारु ओ अब तक को सगळोूं मोटो फैसलो मान्यो जा रह्यो है। * *कांई है फैसलो:* सुप्रीम कोर्ट राजस्थान सरकार नै कड़ा निर्देश दिया है कि वो *स्कूलां में राजस्थानी भाषा नै पढ़ाई को माध्यम बणावण और एको परचार-पसार करण सारु एक बड़ी नीति बणावै।* * *कोर्ट कांई कह्यो:* कोर्ट राज्य सरकार की वा बात पूरी तरियां खारिज कर दी, जिणमें कह्यो गयो हो कि पढ़ाई सिर्फ संविंधान की आठवीं अनुसूची री 22 भाषावां में ही कराई जा सकै। कोर्ट कह्यो कि माड़बोली (मातृभाषा) में शिक्षा देवणो एक संवैधानिक जिम्मेदारी है और स्कूलां में राजस्थानी की अनदेखी करणो कतई सही कोनी। इणनै धीरे-धीरे सगळोूं पैला प्राथमिक स्तर माथै एक विषय रे रूप में जरूरी कर्यो जावै।

​सिंगापुर। भारत री स्टार बैडमिंटन खिलाड़ी पीवी सिंधु सिंगापुर ओपन का क्वार्टर फाइनल में जगा बणा लीधी है। दो बार री ओलिंपिक मेडलिस्ट सिंधु ने जापान री रिको गुंजी ने एकतरफा मैच में 21-9, 21-12 ऊँ पटखनी दीधी। यो मैच सिर्फ़ 37 मिनट तक ही चाल्यो। अबे क्वार्टर फाइनल में सिंधु रो सामणो दक्षिण कोरिया री टॉप खिलाड़ी आन से यंग साते वेगा। अण सीजन में सिंधु रो यो चौतो क्वार्टर फाइनल वेगा। अणी ऊँ पेली वां मलेशिया ओपन, इंडोनेशिया मास्टर्स ने थाईलैंड ओपन का क्वार्टर फाइनल में भी पूग चुकी है। पण, वां सिर्फ़ मलेशिया ओपन में ही क्वार्टर फाइनल रो मैच जीती सकी ही। अणीं रे बीच, सात्विकसाईराज ने चिराग शेट्टी भी अंतिम-8 में जगा बणा लीधी। चौती वरीयता वाली भारतीय जोड़ी ने ताइवान का ली जे-हुई ने यांग पो-हसुआन ने 21-15, 11-21, 21-18 ऊँ हराया। करीब एक घंटा तक चाल्या मैच में भारतीय जोड़ी ने आखरी गेम में चोखी वापसी करीने जीत आपणे नामे कीधी।

परिजन लास नी लीधी, दन भर हंगामों चाल्यो, रात में मुहावजा माथे मामलो सांत व्हीयो। ​उदयपुर (क्राइम रिपोर्टर)। प्रतापनगर थाना क्षेत्र री एक फैक्ट्री में बुद्धवार बॉयलर फटने ऊँ दो मजदूराँ री मौत का मामला तूल पकड़ लीधो। घर का लोगां विरोध जताता थकां मोर्चरी ऊँ लास नी लीधी। घर का ने समाज का लोगां मुहावजा री मांग ने लेईने हंगामों कर दीधो। मामला ने सांत करवा वास्ते दन भर समझाइश चालती रही, पण वात नी बणी। आखर में साँझ खाँ मुहावजा री सेमती व्या पाछे मामलो सांत व्हीयो ने घर का लोग मान्या। अणी ऊँ पेली मरवा वाला का घर का लोगां माथे आरोप लगायो कि धमाको व्या पाछे फैक्ट्री मालिक मोके ऊँ भाज गयो। टेम माथे इलाज मळ जाता तो काई ठा दोनूँ री जान बच जाती। पाछे प्रतापनगर थाना पुलिस दोनूँ घायलां ने अस्पताल ले गई। अण घटना ने लेईने राजपूत ने भील समाज में मोटो आक्रोष देखवा ने मळ्यो। एमबी अस्पताल री मोर्चरी का बारे नारा लगाता थकां प्रदर्शन कीधो। साते ही पीड़ित परिवारां ने न्याय देवा री मांग कीधी। मामला री खबर मळता ही दुपार पाछे अस्पताल मोर्चरी का बारे करणी सेना का कार्यकर्ता भी पूगा। जठे वांने ने दूजा प्रदर्शनकारियाँ ने डीएसपी सूर्यवीर सिंह ने थानाधिकारी पूरण सिंह राजपुरोहित ऊँ वातचीत कीधी। पुलिस ने कायदे मुजब कानूनी कार्रवाई करवा रो भरोसो दीधो। पण, लोग अणी वात माथे नी मान्या। अणी रे पाछे साँझ खाँ सरकार फैक्ट्री मालिक की तरफ ऊँ मृतक का परिवार ने आर्थिक सहायता देवा का भरोसा पाछे मामलो सांत व्हीयो। अणी रे बाद सुकरवार खाँ दोनूँ मृतकां रो दाह-संस्कार कीधो। बता दूँ, गोगुंदा का बडुंदिया का रहवा वाला भंवर सिंह ने माधु मीणा मादड़ी इंडस्ट्रीयल एरिया में माही इंटरप्राइजेज फैक्ट्री में काम करता था। अणी में रद्दी ने प्लास्टिक का कट्टा व थैलियाँ ने मशीन ऊँ रिसाइकिल कीधो जावे है। बुद्धवार खाँ काम का टेम मशीन में तकनीकी खराबी आवा ऊँ अचानक धमाका साते टूट गई। जणी ऊँ दोनूँ घायल व्ही गया। अस्पताल लै जावता टेम दोनूँ दम तोड़ी दीधो।

जोधपुर। एमडीएम अस्पताल का गेट नंबर-1 कनी चोरी का वहम में दो लुगाइयाँ ने डिटेन (दस्तयाब) करीने नजीक का थाना में सुपुर्द कीधी। कालिका टीम री प्रभारी उप निरीक्षक प्राची गुर्जर ने बतायो कि तीन जणां खबर दीधी थी कि दो लुगाइयाँ घर में गळ ने चोरी रो प्रयास ने दुकानां का सटर खोलबा जैसी वारदातां करवा री कोसिस कर री है। खबर मलते ही कालिका टीम री कांस्टेबल अंसी, गीता ने शारदा मोके माथे पूगी ने एमडीएम अस्पताल का नजीक ओळखाण रे आधार माथे दोनूँ लुगाइयाँ ने पकड़ लीधी। अण टेम लुगाइयाँ टीम साते बदतमीजी ने गाली-गलौज भी कीधी। टीम ने राजकॉप एप का जरिया फोटो मिलाई तो ठा पड्यो कि वां लुगाइयाँ माथे पेली ऊँ भी कतई केस दरज है। अणी रे पाछे दोनूँ लुगाइयाँ ने रिपोर्ट साते थाना में सुपुर्द कर दीधी।

​भोपाल। नोएडा री रहवा वाली 33 साल री पूर्व मॉडल ट्विशा री भोपाल सासरिया में 12 मई ने मौत व्या का 15 दन पाछे वणीं री सास ने पूर्व जज गिरिबाला सिंह ने गिरफ्तार कीधी। सीबीआई री टीम गुरुवार सुबह 11:30 बजे भोपाल का बाग मुगालिया एक्सटेंशन में आया गिरिबाला का मकान माथे पूगी। अठे करीब 8 घंटा तक पूछताछ कीधी। साँझ का 5 ऊँ साडे 5 बजे रे बीच में गिरिबाला ने गिरफ्तार करीने रात का 8 बजे चार इमली में सीबीआई दफ्तर ले गया। सूत्रां रे मुजब, कोर्ट रो टेम पूरो व्या कारण गिरिबाला ने कोर्ट में पेस नी करी सक्या। पण सीबीआई ने स्पेशल जज का बंगला माथे गिरफ्तारी री खबर पूगा दीधी। अबे सुकरवार वांने कोर्ट में पेस करी जावेगी।

बांसवाड़ा। फुटबॉल अकादमी बांसवाड़ा का सब जूनियर खिलाड़ियाँ ने गोवा में राख्या दसवां स्पोर्ट्स टूरिज्म ऑल इंडिया सब जूनियर फुटबॉल टूर्नामेंट रो खिताब आपणे नामे कीधो। फाइनल मैच में बांसवाड़ा ने केरल री टीम ने हराई ने ट्रॉफी माथे कब्जो कीधो। टीम रे अण चोखा प्रदर्शन में कोच महावीर सिंह ने विकेश रो मोटो हाथ रह्यो। आ जानकारी सुखराम भाबोर दीधी।

​बांसवाड़ा। शारदा कॉलोनी में आया नर्मदेश्वर महादेव मंदिर ने सेन महाराज मंदिर का प्रांगण में सेन समाज उद्यान समिति रे तत्वावधान में 3 ऊँ 9 जून तक भागवत महापुराण कथा करी जावेगी। कथा रो टेम साँझ का 7 ऊँ रात का 10 बजे तक राख्यो है। कथावाचक ईशिका गहलोत वेगा। समिति का ओदेदारां की तरफ ऊँ बतायो गयो कि कथा का बैनर ने सामग्री रो विमोचन कीधो। कथा का यजमान योगिता कमलेश गहलोत ने सौरभ गहलोत वेगा। अण विमोचन रे मौके माथे सेन समाज का अध्यक्ष ओम प्रकाश, जगदीश गहलोत, अमन, उमंग, गर्वित, दिलीप गहलोत साते गणेश मंडल शारदा कॉलोनी का भगत हाजिर हा।

भीलुड़ा। सेठ दाड़मचंद खेल मैदान में स्वर्गीय किरणलता पंड्या री याद में राख्या परशुराम क्रिकेट लीग सीजन-7 का रोमाचंक मुकाबला में क्वालीफायर-1 में गौतम इलेवन ने वशिष्ठ इलेवन ने चार रन ऊँ हराई ने फाइनल में जगा बणाई। वणीं ही क्वालीफायर-2 में अगस्त्य इलेवन ने विश्वामित्र इलेवन टीम रे बीच में मैच व्हीयो। अण मैच री जीती थकी टीम 30 मई फाइनल में गौतम इलेवन साते भिड़ेगी। अण मैच में खिलाड़ियाँ रो होसलो बढ़ाबा वास्ते विशाल मेहता म्यूजिकल अवार्ड ने स्वर्गीय किरणलता स्मृति पुरस्कार दीधा। अण मौके माथे इनाम देवा वाळा विशाल मेहता ने शुभम पंड्या ने होनहार पाठक, हर्षल सेवक, विकास जोशी, अंशु पंड्या ने प्रेम मेहता रो सम्मान कीधो।