आपाणो राजस्थान - समाचार

सांडवा | विवेकानंद विद्या आश्रम में रंगीलो राजस्थान थीम कार्यक्रम आयोजित कीधो। विद्यार्थियां सांस्कृतिक प्रस्तुतियां दीधी, ऐतिहासिक पात्र निभाया। क्विज प्रतियोगिता में दिनेश प्रथम रह्यो। अतिथियां संस्कृति संरक्षण अर मातृभाषा शिक्षा पर जोर दियो।

राणी | भगवान महावीर स्वामी रा जन्मकल्याणक अवसर पे रैली निकाळी। पूजा-अर्चना, प्रसाद वितरण अर भजन संध्या रो आयोजन कीधो।

कीरवा | गुड़ा एंदला विद्यालय में 500 सूं वत्ता विद्यार्थियां ने स्कूल बैग बांट्या। भामाशाह सुरेश भाई खाटेर वितरण कीधो।

पाली | गो सम्मान अभियान अंतर्गत 27 अप्रैल ने देशभर में तहसील स्तर पर ज्ञापन देवेला। समिति अनुसार गो हत्या रो मुद्दो गंभीर है। आगामी चरणां में जिला, राज्य अर राष्ट्रीय स्तर पर आंदोलन होवेला।

उदयपुर | चीरवा रा राजकीय विद्यालय में बोर्ड परीक्षा रो परिणाम 100% रह्यो। सगला 24 विद्यार्थी प्रथम श्रेणी सूं पास व्ह्या। छात्रा परी सुथार ब्लॉक स्तर पर प्रथम रही। भामाशाह चिराग व्यास घोषणा करी: प्रथम: 51 हजार द्वितीय: 21 हजार तृतीय: 11 हजार 7 छात्रावां रो चयन बालिका प्रोत्साहन योजना में व्हीयो।

उदयपुर | नगर निगम बिना अनुमति पोस्टर लगावां वाळा रे खिलाफ कार्रवाई करता दो संस्थानां खिलाफ केस दर्ज करवायो। टीआरआई ऑफिस दीवार पर नया रंग-रोगन पाछे पोस्टर चिपकावां सूं नुकसान व्हीयो। स्मार्ट कंप्यूटर्स खिलाफ सूरजपोल अर भूपालपुरा थाने में रिपोर्ट दर्ज करवाई गी।

जयपुर | बायोलॉजिकल पार्क में बाघिन ‘रानी’ आपणा छह शावकां साथे नजर आई — ये दरसाव जंगलां में भी कम देखावै मिलै। ई शावक 27 अप्रैल ने एक साल रा होई जावेला। तीन मेल — सूर्य, शौर्य, विजय अर तीन फीमेल — वृंदा, अंबे अधिकारियां अनुसार शावकां पर लगातार नजर राखी जाइ री है।

आयड़ नदी अर संबंधित ढांचां खातर 41 करोड़ रुपया रो प्रावधान कीधो है। वर्तमान दो लेन रो पुल अब चार लेन में बदलेला। स्टेट हाईवे-32 स्थित अंडरब्रिज रो भी नवीनीकरण करायो जावेला।

जोधपुर | स्वच्छता सर्वेक्षण सूं पेला नगर निगम द्वारा वेस्ट टू वंडर थीम पे शहर रा 10-12 स्थानां माथे आकर्षक कलाकृतियां बणाई गी। लोड़ा, तार अर टाइल्स ज्या कबाड़ री रीयूज सूं बणी ई कलाकृतियां अब सेल्फी पॉइंट बणती जा री है। नगर निगम कार्यालय बारणे सूर्यनगरी अर ब्लू सिटी दर्शावती कलाकृति बणाई गी है। 8 आयरन बेस्ड अर 5 टाइल्स बेस्ड कलाकृतियां तैयार कीधी। मेहरानगढ़ पहचान, घंटाघर कन्नै हाथ अर बांसुरी, काजरी, पचेटिया हिल्स समेत कई स्थानां माथे इंस्टॉलेशन लगावेला। मोर अर दूजा जानवरां री आकृतियां भी शामिल है। अधिकारियां अनुसार कबाड़ रे रीयूज सूं उपयोगी अर सुंदर वस्तु बणावां सूं जागरूकता बढ़सी। ई-व्हीकल ने भी बढ़ावा शहर में 12 स्थानां पर ई-व्हीकल चार्जिंग स्टेशन बणावां रो काम चालू है।

जोधपुर | ओसियां कन्नै पड़ासला रोड पर गुरुवार सांझ चालती लोडिंग ऑटो रिक्शा में अचानक आग लाग गी, जिण सूं वाहन रो आगलो केबिन पूरो बळ'र राख व्ही ग्यो। गाड़ी में CNG किट लागी होवां कारण बड़ो हादसो होवां री आशंका ही, पण समय माथे आग पे काबू पा लैण सूं स्थिति नियंत्रित रह गी। फायर ब्रिगेड अर पुलिस टीम मौके पर पूगी अर तुरंत कार्रवाई करता आग पे काबू पायो गयो। पुलिस अनुसार शाम करीब चार बज्या लोडिंग ऑटो ओसियां री तरफ सूं आवतो हो, जद अचाणचक आग लाग गी अर आग आगे रो भाग चपेट में ले लियो। भाग्य री बात या री के गाड़ी में लाग्या 11 किलो सीएनजी टैंक ने कोई नुकसान कोनी पहुंच्यो। पुलिस बतावै है के समय पे कार्रवाई कोनी होवती तो बड़ो हादसो व्है सकतो हो। फिलहाल आग लागवां रा कारणां री जांच चाल री है।