होली री धमालां

समरण कर ले तन्नै सिवरूं स्यो पूजण नै देव मनावो रै मुजरोल लेल्यो रै चंग रो रै होली खेलै रै रंग बरसै खेलै-खेलै गांजै को रसियो पुरी अयोया राजा जिनक कैंटा टूटो रै सीता परणीजै चर ज्यावैलो पिया हर ल्यायो लिछमण के आज मेरी अंजनी जायो तू लिया ए उठ मिल ले भायां की बात जल भरण नै रंग मत डारै रै-1 रंगमत डारै रै-2 कोनी मानै ये नैणां नीचा कर लै कैयां छोडी रै कैयां आवूं रै रुक्मणी रै मत कर रै पांडू करग्या

भरदे मायरो सुल्तान भात हर भजकै पर दुख हरगो मारू मिलले एक चतर नार बेटा सरवण जोगी हुयग्यो रै हर नै हर्यो फिर-फिर मोजां गरब मत कर अन्दर झांको रै अनीति धारी पाखम्ड त्यागो रै सूत्या जागो रै उ करम रेख केयणो मानो रै देवरियो म्हारो रुत आई रै उड़ती कुरजलियो घुंघट खोल दे घड़वादै मेरा श्याम कटवादै मेरा श्याम घर आज्या मेरा श्याम बिना कजलै सपनै में रै चाल ये पचरंग फागणियो कैयां पोवूं रै हरियै रूमाल कठै आवैगो

जादू डार्यो रै चालो देखण नै चालो देखण नै-2 पाछी जाबा दे गीगा सोज्या लाल केसरिया लेणो छोड़ो रै बेटा बेटी एक बीरा मर्योड़ा मायत मतना बिको रै ठाडी व्यााी रै दुनिया मतावाली कम ना नारी कुल में नार आफत मोटी रै नुगरो माच्यो रै हालत माड़ी रै करल्यो चेतो रै सगला आवो रै भासा म्हारी रै दिल्ली चालो रै काली टोपी रो गोरा हट ज्या रै तन्नै रंग हो धाड़ो दोडो रै कोड़ां कुरबानी जिन्नो जबरी रै कित्त चाल्यो रै नित बरसो रै ऊंचो घाल्यो पालणो नैणां नीचा करले

समरण कर ले
सुमरण कर ले रै पैली गणपत को...
सुमरण कर ले...।
कुंण सी दिशा में तेरो बण्यो रे देवरो-2
कुणं सी दिशा में लाडू इमरत का...।
सुमरण कर ले...।
परूब दिशा में म्हारो बण्यो रै देवरो-2
उत्तर दिशा में लाडू इमरत का...।
सुमरण कर ले...।
कुंण चिणायो तेरो भवन देवोर-2
कुंण दिवायी गज नींवड़ली...।
सुमरण कर ले...।
राजाजी चिणायो म्हारो भवन देवरो-2
सेवगां दिवायी गज नींवड़ली...।
सुमरण कर ले...।
कै लख आवै तेरे बालक-बांझड़ी-2
कै लख आवै जुड़लै वाली...।
सुमरण कर ले...।
नौ लख आवै म्हारै बालक-बांझड़ी-2
दस लख आवै जडुलै वाली...।
सुमरण कर ले...।
के तो चढावै तेरै बलाक-बांझड़ी-2
कांई चढ़ावै जुडलै वाली...।
सुमरण कर ले...।
चूरमो चढावै म्हारै बालक-बांझड़ी-2
नारेलां चढ़ावै जड़लै वाली...।
सुमरण कर ले...।
के तो मांगै थां सूं बालक-बांझड़ी-2
कांई मांगै जडुलै वाली...।
सुमरण कर ले...।
लाल मांगै म्हां सूं बालक-बांझड़ी-2
अन्न-धन मांगै जडुलै वाली...।
सुमरण कर ले...।

तन्नै सिवरूं
तन्नै सिवरू ंये जीण डूंगर वाली..।
तन्नै सिवरूं...
कुंण चियाो तेरो भवन देवरो-2
कुण दिरायी गज नींवड़ली...।
तन्नै सिवरूं...
राजाजी चिणायो म्हारो भवन देवरो-2
सेवगां दिरायी गज नींवड़ली...।
तन्नै सिवरूं...
कै गज ऊंचो तेरो भवन देवरो-2
कै गज ऊंडी गज नींवड़ली...।
तन्नै सिवरूं...

नौ गज ऊंचो म्हारो भवन देवरो-2
दस गज ऊंडी गज नींवड़ली...।
तन्नै सिवरूं...

स्यो पूजण नै
स्यो (शिव) पूजण नै आई रै गणगोरा
स्यो पूजण नै
काहे को कलसो, काहै री झार-2
कुंण सी दिसा सूं आई गणगोरा
स्यो पूजण नै
कांसी को कलसो भाईड़ा तांबै की झारी-2
उतर दिसा सूं आई गणगोरा
स्यो पूजण नै
बांगा में गई बा तो फूलड़ा सा तोड़या-2
हर्या-हर्या तोड्‌या रे झुंवारा...
स्यो पूजण नै
दोय दिनां का भाईड़़ा लाड चावै रै-2
फेर कुवै में घमकाई गणगोरा...
स्यो पूजण नै

देव मनावो रै
देव मनावो रै जीवन में जांका गुण अपनावो रे
देव मनावो रै
सालासर में राज करै यो वीर बड़ो बजरंगी रै-2
घर-घर में रावण होग्या अन्याय मिटावो रै
देव मनावो रै
हरसजीण पहाड़ पर तपै पूजै नर अर नारी रै-2
मुगल बादस्या की सेना नै मार भगावो रै
देव मनावो रै
खाटू नगरी श्याम धणी की दुनिया कावड़ ल्यावै रै-2
कलजुग में पर सेवा को अभियान चलावो रै
देव मनावो रै
रुणीचै को देव रामदे मेणादे को लालो रै-2
निरधनियां को दुखड़ो काटो गलै लगावो रै
देव मनावो रै
सांपां रको देव गुगोजी धुरमेड़ी परकोटो रै-2
फूलचंद कहै गौ माता नै गलै लगावो रै
देव मनावो रै

मुजरोल लेल्यो रै

मुजरो ले ल्यो रै थे तो होली को..
मुजरोल लेल्यो रै..
न्हाय-धोय ठाकर चौकी ऊपर बैठ्यो रै-2
तिलक कर्यो रै ठाकर रोली को..।
मुजरोल लेल्यो रै..
न्हाय-धोय पंडत चौकी ऊपर बैठ्यो रै-2
तिलक कर्यो रै चौधरी रोली को...।
मुजरोल लेल्यो रै..
न्हाय-धोय सोनी चौकी ऊपर बैठ्यो रै-2
तिलक कर्यो रै सोनी रोली को...।
मुजरोल लेल्यो रै..

चंग रो रै
चंग धीरो रै, बजावण वालो अमर रेयीज्यो रै..
चंग धीरो रै...
चंग की आवाज म्हानै बागां मांय सुणगी रै..2
बागां वाली गोरड़ी मगन हुयगी रै..।
चंग धीरो रै...
चंग8 की आवाज म्हानै रसोयां मांय सुणगी रै...2
फलका तो छोड़ दिया सुणबा आयगी रै...
चंग धीरो रै...
चंग की आवाज म्हानै म्हैलां मांय सुणगी रै..
परण्यै नै सूत्यो छोड़ सुणबा आयगी रै...
चंग धीरो रै...

होली खेलै रै
होली खेलो'रै चतरभुज च्यार घड़ी,
होली खेलै रै...
कै मण लाल-गुलाब उड़त रै-2
कै मण केसर-कस्तुरी।
होली खेलै रै...
नौ मण लाल गुलाल उड़त रै-2
दस मण केसर-कस्तुरी।
होली खेलै रै...
कुंणयांजी कै हाथ में रतन कटोरो रै-2
कुंणयांजी कै हाथ में गुलाब की छड़ी।
होली खेलै रै...
किरसणजी कै हाथ में रतन कटोरो रै-2
राधाजी कै हाथ में गुलाब की छड़ी।
होली खेलै रै...
कितरा बरस को यो कंवर कन्हैयो रै-2
कितरा बरस री राधा गौरी।
होली खेलै रै...
नौ बरस को यो कंवर कन्हैयो रै-2
दस बरस री राधा गौरी...।
होली खेलै रै...
होली खेलै रै कान्हय गोपियन में
होली खेलै रे
गोपियन में रै कान्हो इस्यो रै खेलै-2
जियां भंवरो खेलै बगियन में...।
होली खेलै रै
गोपियन में रै कान्हो इस्यो रै खेलै-2
जिंयां चंदो खेलै तारायण में।
होली खेलै रै
गोपियन में रै कान्होय इस्यौ रै खेलै-2
जियां बछड़ो खेलै गइयन में।
होली खेलै रै

रंग बरसै
राजा बलि रै दरबार रचि होली, रंग बरसै...
रंग बरसै भीजै या सारी नगरी..
चांद सूरज दोन्यिं होली रै खेलै-2
संग में तो खेलै नौ लख तारा...।
रंग बरसै...
राम-लिछमण दोन्यूं होली रै खेलै-2
संग मंे तो खेलै सीता सतवंती।
रंग बरसै...
कौरव-पांड़व दोन्यूं होली रै खेलै-2
संग में तो खेलै द्रोपती नारी।
रंग बरसै...

खेलै-खेलै
खेलै-खैले ससुरजी की पोल, भंवर संग रंग होली,
खेलै-खेलै
बाई का चरत-भरत देवर जेठ, ओ राधा-रुक्मण नणदूली।
जेठजी का चरमां माथै मारी भर पिचकारी,
हिवड़ो उमग्यो जेठ सा को दी आसीसां भारी-2
जीवो-जीवो हजारूं साल गुणवंती बेटी लाडली...
खेलै-खेलै
नैनो नटखट देवरियो प्यारो मुखड़ो रंग्यो गुलाबी,
देवरियै नै कंठ लगायो मायड़ बण नै भाभी-2
म्हारै हिवड़ै का नौसर हार परणावुं छोटी बेनड़ली।
खेलै-खेलै
भर्यो कटोरो रंग रै नणदल बाई कै हाथ,
भाभीसा की चूनड़ भीजी, हुई प्रेम बरसात-2
म्हारै नैणां की काजल कोर, अगंणा री म्हारी कोयलड़ी।
खेलै-खेलै
रंग रसियो यूं रंगी रंग में भीज्यो मुखड़ो सारो,
अंगिया भीगी लैंगो भीग्यो, भीग्यो जोबन सारो-2
म्हानै ऐसी रंगोजी भरतार, जनम भर रैवै लाली।
खेलै-खेलै

गांजै को रसियो
गांजै को रसियो सायबो गौरी नै कर गयो जोगणियां
ओ नारी नै कर गयो जोगणयिां मर जाई रै गांजा बेचणियां
पांच भरी कण्ठी म्हारी मां कै स्यूं ल्याई-2
लेग्यो तालो तोड़ भंवर गांजै की भेंट चढ़ाई
नितकी तो काढूं तन्नै गाल रै मर जाई रै गांजा बेचणियां
सतरंगी लहरियो म्हारी मां कै स्यूं ल्याई-2
लेग्यो छैल भंवर ोय चिलम की साफी बणाई
नित का तो ल्यावै ओलमां मर जाई रै गांजा बेचणियां
आधी रात ढलयां घ आवै आधी कै यो जावै
जोबण का दिन च्यार भंवर गांजै की भेंट चढ़ावै
खड़ी तो उडीकै परणी गोरड़ीजी कद आवै म्हारी सैजां पोढ़णियां
मर जाई रै गांजा बेचणियां

पुरी अयोया
पुरी अयोध्या राजादशरथ घर, रामचन्द्र अवतार लियो,
पुरी अयोध्या
जिनकपुरी में राजा जिनक घर, जां घर सीता जनम लियो,
पुरी अयोध्या
अवधपुरी सूं कोई न आयो-2
विसवामिंतर लेवण गयो।
पुरी अयोध्या
बांवै कर सूं धनसं टंकार्यो-2
एक टूट पातल गयो।
पुरी अयोध्या
दूजो टूक पड्यो रै धरणी पै-2
तीजोटूक अकास गयो।
पुरी अयोध्या
टूर्यो धनुस भयो सरणायो-2
परसराम विकराल भयो।
पुरी अयोध्या
ले फरसो मारम नै निकस्यो-2
कोऊ-कोऊ करतसमाज भयो।
पुरी अयोध्या
परसराम छिब देख राय की-2
भुजा पसार मिलाप कियो।
पुरी अयोध्या
रोम-रोम अब खींच लियो जद-2
चिरजीव-चिरजीव करत भयो।
पुरी अयोध्या
सीता परण राम घर आया-2
पुरी अयोध्या
मात कोसल्या करत आरतो-2
तुलसीदास जस गया भवो।
पुरी अयोध्या

राजा जिनक
राजा जिनक रोस भरि आयो,
राजा जिनक...
देस-देस का राजा भेला होया-2
पमकोई ना धनस उठायो।
राजा जिनक...
देस-देस का जोधा बठै आया-2
कोई न राजा कै मन भायो।
राजा जिनक...
रामचन्द्र बेटो दसरथ को-2
हां ओ बो ही धनस उठायो।
राजा जिनक...
कृणसी भुजा सूं राजा धनस उठायो-2
कुणसी भुजा सूं चोको ल्यायो।
राजा जनक...
बांी भूजा सूं राजा धनस उठायो-2
दैणी भूजा सूं चोको ल्यायो।
राजा जिनक खुसी हो आयो।

कैंटा टूटो रै
कैंयां टूट्यो रै धनुस फर्री वालो,
कैंयां टूट्यो रै...
राम भी आया बठै लिछमण भी आया-2
आयो-आयो रै हणमान अंजनी वालो
कैंयां टूट्यो रै...
कोरूं भी आया बठै पांडू भी आया-2
आयो-आयो रै भीम गदा वालो।
कैयां टूट्यो रै..यच
देस-देस का राजा बठै आया-2
आयो-आयो रै रावण लंका वालो।
कैंयां टूट्यो रै..
देस-देस का जोधा बठै आया-2
आयो-आयो रै परसराम फरसै वालो।
कैंटां टूट्यो रै...
नाग-नागणी बठै आया-2
आयो-आयो रै सरप बांबी वालो।
कैंयां टूट्यो रै...

सीता परणीजै
सीता परणीजै श्रीरामचन्द्र चंवर्या में बैठ्या रै...
सीता परणीजै
एक तो संदेसो म्हारो रणत भंवर में भेज्यो रै-2
रणत भंवर रा विनायकजी आया रैयज्‌ोय रै
सीता परणीजै...
एक तो संदेसो म्हारो कलकत्तै में भेज्यै रै-2
कलकत्तै की काली मां थे आयी रैयज्यो रै
सीता परणीजै...
एक तोसंदेसो म्हारो बीकाणै मंे भेज्यो रै-2
बीकाणै री करणी माता थे आयी रैयज्यो रै
सीता परणीजै...
एक तो संदेसो म्हारो रूणीचै में भेज्यो रै-2
रुणीचै का रामदेवजी थे आया रैयज्यो रै
सीता परणीनै...
एक तो संदेसो म्हारो सालासर में भेज्यो रै-2
सालासर का बालाजी थे आया रैयज्यो रै
सीता परणीनै...
वन चले
वन चले राम रघुराई
वन चले
आगै तो आगै राम चलत है-2
गेल चलै लिछनम भाई।
वन चले
बीच बिचालै चलै रै ज्यान की-2
राम जनक की जाई।
वन चले
राम बिने मेरी सूनी अयोध्या-2
लिछमण बिन ठुकराई।
वन चले
सिया बिना सूनी रसोई-2
कुंण करै चतराई।
वन चले
झिरमिर-झिरमिर भादूडा मेहां का बरसै-2
पवन चलै पुरवाई।
वन चले
एक पेड़ तलै भीजै रै ज्यानकी-2
दूजै पेड दोन्यूं भाई।
वन चले
रावण मार राम घ आये-2
घर-घर बंटत बधाई।
वन चले
सात कौशल्या करै रै आरतो-2
तुलसीदासजस गाई।
वन चले

चर ज्यावैलो
चर ज्यावैलो मिरगलो हर्योडी बाड़ी
चर ज्यावैलो
कुंण तो राजा को मिर सोवणो-2
कुंण सै राजा की हर्योड़ी बाड़ी।
चर ज्यावैलो
रावण राजा को मिग सोवणो-2
रामचन्द्र की हर्योड़ी बाड़ी
चर च्यावैलो
कुंण तो बाड़ी की बाड़ करत है-2
कुंम करै बाड़ी की रुखाली
चर ज्यावैलो
रामचन्द्रजी बाड़ी की बाड़ रत है-2
लिछमण करै रुखाली
चर ज्यावैलो

पिया हर ल्यायो
पिया हर ल्यायो नार पराई,
पिया...
कहत मनोदरी सुण पिया रावण-2
आ कांई कुबद कमाई।
पिया..
हणमत जिस्या राजा पायक बांकै-2
लिछमण सा बलि भाई
पिया..
मेघनाद सा राणी पुतर हमारे-2
कुंभकरण सा बलि भाई।
पिया...
लंका सरीसा राणी कोट हमारे-2
सात समंदर ज्यकि खाई।
पिया...

लिछमण के
लिछमण कै रै बाण लाग्यो सकती
लिछमण के...
कै तो जीवावै माता सीता सवंती-2
कै तो जीवावै हणान जसी।
लिछमण कै...
काहे सूं जीवावै माता सीता सतवंती-2
काहे सूं जीवावै हणमान जती।
लिछमण कै...
सत सूं जीवावै माता सीता सतवंती-2
बंटी सूं जीवावै हणमान जती।
लिछमण कै...
लिछमण कै जीवावै बी नै आधो राज दे द्यूं-2
आधो-आधो राज सवाई धरती।
लिछमण कै...

आज मेरी
आज मेरी बांई भूजा सुण टूटी
आज मेरी...
सगती बाण लंका सै ओ चाल्यो-2
लिछमण की नाड़ी ओ छूटी।
आज मेरी...
माता कोसल्या नै खबर पड़ैगी-2
ख्याय मरै ओ बिस बुंटी।
आज मेरी...
कद को खड्यो रै पुकारुओ भय्या-2
कूण ल्यावैगो सरजीवण बूंटी।
आज मेरी...
आधी रै रात कै हणमत चाल्यो-2
तड़कै ही ल्‌ायोय सरजीवम बूंटी।
आज मेरी...
घर रै समेत बो बैद नै उठायो-2
उा ल्यायो परबत सेती।
आज मेरी...
तुलसीदास भजो रै भगवाना-2
सुवरण में बज गई खूंटी।
आज मेरी...

अंजनी जायो
अंजनी जायो रै हमणान राम को दास कहायो रै...
अंजनी जायो रै
रामचन्द्र पर संकट आयो तेरो सरण लिन्यो रै-2
लंका जाकै मात सिया को पतो लगायो रै
अंजनी जायो रै
मेघनाद रावण को बेटो जबरो तरी चलायो रै-2
सकती बाण लखन के मार्यो होस गंवायो रै
अंजनी जायो रै
आंख मूंद कै पड्यो धरण मर भ्राता नीर बहावै रै-2
द्रोणाचल हणमान चल्यो झट पहाड़ उठाय रै
अंजनी जायो रै
अहिरावण जद रामलखन नै जाल पोस में पकड़ै रै-2
पहुंच गयो पाताल लोक में दुखड़ो ठायो रै
अंजनी जायो रै
सीया-राम को सीन दिखायो पल में सीनो चीर्यो रै-2
फूलचंद कहै राम भगतां नै घमओ पूजवायो रै
अंजनी जायो रै

तू लिया ए
तूं लिया एसीस रामादल जाकै,
तूं लिया ए...
भगत विभीसण सुसरो तेरो-2
हां, ए राणी देगी दल में पूंचा कै
तूं लिया ए...
अंगद बेटो बाली को कहीजै-2
हां, ए राणी देगो दल में ढूंढा कै
तूं लिया ए
हणमान अंजनी को जायो-2
हां, ए राणी देगो दल में हिराकै
तूं लिया ए
लिछमण बाल जती ए कटीजै-2
हां, ए राण ीदेगो दल में ढूंढा कै
तूं लिया ए
अंगद जेठ तुम्होर ए लागै-2
हां, ए राणी ल्यावैगो सीस ढूंढा कै।
तूं लिया ए

उठ मिल ले
उठ मिलले भरत भैया हर आयो,
उठ मिलले...
कहो रै भैया बनखंड की बातां-2
कैसी कैसी विपत भुगत आयो।
उठ मिल ले...
के तो बिछायो भाइड़ा कांई तूं खायो-2
कैसी-कैसी विपत भुगत आयो।
उठ मिल ले...
पत्ता तो बिछाया भाइड़ा बनफल खाया-2
ऐसी-ऐसी विपत भुगत आयो।
उठ मिल लै...
बांथमबाथ मिल्यो रै दोन्यूं भाई-2
नैणा नीर ढलक आयो।
उठ मिल ले...

भायां की बात
भायां की ओ बात भरत बुझै,
भायां की...
कुंणसी दिसा में लड़ै रै रामजी-2
कुंणसी दिसा में लिछमण जुझै।
भायां की...
उतर दिसा में लड़ै री रामजी-2
दिखणदिसा में लिछमण जुझै।
भायां की...
कुंण कै संग में लडै ओ रामजी-2
कुंण कै संग में लिछमण जुझै।
भायां की...
रावण कै संग में लड़ै रै रामजी-2
मेघनाद कै संग में लिछमण जुझै।
भायां की...
ईरां-तीरां लड़ै रै रामजी-2
बीच-बचालै हणमत जुझै।
भायां की...

जल भरण नै
जल भरण नै देवकी आई।
जल भरण नै...
एक घाट जल भरै रै देवकी-2
दूजै घाट जसोदगा माई।
जल भरण नै...
बांथम बांध मिली दोन्यूं भैणा-2
कुरजां ज्यूं कुरलाई...
जल भरण नै...
के दुक लाग्यो भैणा सास नणद को-2
काँई तेरो पीवजी सताई।
जल भरण नै...
न दुख लाग्यो भैणा सास नणद को-2
ना मेरो पीवजी सताई।
जल भरण नै...
मेरै गरभ सूं भैणा सात जलमियां-2
जायै-जायै नै कंस खपाई।
जल भरण नै...

रंग मत डारै रै-1
रंग मत डारै रै सांवरिया म्हारो गुजर मारै रै
मैं गुजरी नादान गुजर म्हारो मतवालो रै
रंग मत डारै रै...
होली खेलै तो कान्हा बरसाणै में आज्यै रै
राधा रुक्मण नै सागै लाज्यै रै
रंग मत डारै रै...
घर मत आज्यै रै कान्हा सास बुरी छै-2
नणदूली नादान म्हानै बोल्यां मारै रै
रंग मत डारै रै...
सास बुरी छै म्हारी नणद हठीली-2
परण्यो बेईमान म्हानै नितकी मारै रै
रंग मत डारै रै...
चंद्र सखी भज भज बाल कृष्ण छवि-2
हरि चरणां में म्हारो चित छै रै।

रंगमत डारै रै-2
रंत मत डारै रै सांवरिया मेरो गुजर मारै रै...
रंग मत डारै रै...
आ लाल चूनड़ मेरो गुजर ल्यायो-2
बदरंग कर दी सांवरियो..।
रंग मत डारै रै....
ओ घरेधार घाघरो मेरो गुजर ल्यायो-2
आब बिगाड्‌यो सांवरियो...।
रंग मत डारै रै...
ओ सोनै बरणी रुप मेरै गुजर तांई-2
ड्योढ़ी-ड्योढ़ी देखै सांवरियो...।
रंग मत डारै रै...

कोनी मानै ये
कोनी मानै ये जसोदा तेरो बनवारी
कोनी मानै ये
घर का तो छोड्या सांवरो म्हेल-मालिया-2
गुजरी की टपरी लागै प्यारी।
कोनी मानै ये
घर का तो छोड्या सांवरो दूध-पतासा-2
गुजरी की छाछ लागै प्यारी
कोनी मानै यै
घर की तो छोडी सांवरो रुक्मण नारी-2
गुजरी की छोकरी लगै प्यारी।
कोनी मानै ये

नैणां नीचा कर लै
नणां नीचा कर ले श्याम सूं मिलावै ली कांई,
नैणां नीचा कर लै
तीखा-तीखा नैणां में झीणो-झीणो कजरो-2
हां, ए, राधा-श्याम सूं मिलावैली कांई
नैणां नीचा कर लै
गौरी-गौरी बावां में हरी-हरी चूड्यां-2
हां, ए राधे, श्याम मिलणने जावैली कांई।
नैणां नीचा कर लै
गौरी-गौरी हथली में रच रैयी मैंदी-2
हां, ए राधे, झालो दे'र बुलावै ली कांई
नैणां नीचा कर लै
गोरै-गोरै मुखड़ै में उजली बतीसी-2
हां, ए राधै, मुलक-मुलक बतलावै ली कांई।
नैणां नीचा कर

कैयां छोडी रै
कैया छोडी रै आजाद बिरज धरती।
कैयां छोडी रै
हरियै पल्लां की रैवती जाजम ढलयोडी-2
गोडी सूं गोडी अड़योडी रैवती।
कैयां छोड़ी रै
भाई रै भतजीं की रैवती कचेड़ी-2
बोतलड़ी सूं बोतलड़ी अड़जोड़ी रैवती
कैयां छोडी रै
पाणीड़ो भरण नै घणा कुवा रै बावड़ी-2
नौ-सौ-नौ-सौ नार पाणीड़ो भरती।
कैयां छोडी रै

कैयां आवूं रै
कैयां आवूं रै सांवरिया तेरी हर नगरी।
कैयां आवूं रै
तेरी तो नगरी में सांवरा चोर घमैरा रै-2
चोर लेवै मेरी बाजू बंगडी।
कैयां आवूं रै
तेरी तो नगरी ममें सांवरा गाय घणैरी रै-2
धोली-धोली गाय सुरंगा बछड़ा।
कैयां आवूं रै
तेरी तो नगरी में सांवरी बालक घणैरा रै-2
लांबी-लांबी नार मरद रसिया।
कैयां आवूं रै

रुक्मणी रै
रुक्मणी रै माता नै समझावै।
रुक्मणी...
समदर सये माता नीर पड्यो है-2
जणां नाडुल्या कुण न्हावै।
रुक्‌मणी रै
इण तो मुखढ़ै सूं माता इमरत चाख्यो-2
जण माता ज्हैर कुंण खावै
रुक्मणी रै
मान सरोवर माता हंसला ये देख्यो-2
माता काग निजर कोनी आवै।
रुक्मणी रै
सीरी तो किरसण सूं माता पड्‌यो है-2
राकस नै कुण ब्यावै।
रुक्मणी रै

मत कर रै
मत कर रै सिसपाल निकासी
मत कर रै...
हल तो हालां सूं देवर होवै रै आरतो-2
मुसलां सूं हलदी रमासी।
मत कर रै...
रुक्मणी तो देवर, हर की रै प्यारी-2
तेरै कदै नई आसी।
मत कर रै...
देस तो देसां का देवर, भूप खपासी-2
बर-बर राख उड़ासी।
मत कर रै
दंताध सा देवर, भाई खपासी-2
म्हनै भी तूं रांड करासी।
मत कर रै
तोरण पर तो देवर पड़ैगी बिजली-2
मांडै कै आग लगासी।
मत कर रै

पांडू करग्या
पांडू करग्या राजा धम को
पांडू करग्या
कौरव-पांड़व एक बाग लगायो-2
जीं में रुंख लगायो कदंब को।
पांडू करग्या
कौरव-पांडव एक झुध रचायो-2
जीं में बाण चल्यो अरजन को।
पांडू करग्या
कौरव-पांडव एक जुवो रै खेल्यो-2
जीं में पड़ग्यो रै पासो भरम को
पाडूं करग्या

भरदे मायरो
भरदे मायरो, सांवरिया नाना बाई कै,
भरदे मायरो
और सागं नै सांवरा, म्हैल-मालिया-2
नरसी भगत नै टूट्योड़ी टपरी।
भरदै मायरो
और सगांनै सांवरा, सोड़-सोड़िया-2
नरसी भगत नै फाट्योड़ी गुदड़ी।
भरदे मायरो
और सगां नै सांवरा, माल मलीदा-2
नरसी भगत नै बासी टुकड़ा।
भर दै मायरो
और सगा नै सांवरा, पिलंग-पोढ़ण-2
नरसी भगत नै टूट्योड़ी मचली।
भरदे मायरो


सुल्तान भात
सुल्तान भात मेरै ल्याई,
सुल्तान...
तारां तो बरणी बीरा ल्याई रै चूनड़ी-2
बिजली की कोर लगाई।
सुल्तान...
धूम-धूमालो बीरा ल्याई रै घाघरो-2
धरती री लावण लगाई।
सुल्तान...
कालै रै बासिग रो बीरा घलाई नाड़ो-2
बिछुड़ा रो फूनो लगाई।
सुल्तान...
हाथी कै होदै आई रै बीरा-2
रथड़ै में भावज ल्याई।
सुल्तान...
भाई भतीजा संग में ल्याई रै बीरा-2
मेह सो बरसातो आई
सुल्तान...

हर भजकै
हर भजकै मीरां राणी जोग लियो।
हर भजकै...
म्हैल-मालिया राणी सब कुछ छोड्‌या रै-2
किरसण रै मंदर में रेवणो धार लियो।
हर भजकै...
हार-सिणगार राणी सबह कुछ छोड्या रै-2
कंठी माला राणी धार लेवी।
हर भजकै...
चावल भात राजी सब कुछ छोड्या रै-2
बासी भोजन राणी धार लियो
हर भजकै...
दिखणी को चीर राणी ओढ्णो छोड्यो रै-2
भगवा तो कपड़ा राणी धार लिया।
हर भजकै...

पर दुख हरगो
पर दुख हरगो रै तेजो जी नाम जगत में धगो रै
पर दुख हरगो रै
पीड़ पराई अपणी मानी जन सेवा में लाग्यो रै-2
बेटा का पग दिखै पालणै नां कोई धड़को रै
पर दुक हरगो रै
हीरा गुजरी आकै रोवै मीणां गायां लेगा रै-2
कूद पड्यो पर सेवा में मीणा सूं भिड़गो रै
पर दुख हरगो रै
बचना में जद बांध्यो बासक डंक जीभ कै मार्यो रै-2
प्रेमी गाथा गावै भव सूं पार उतरगो रै
पर दुख हरगो रै

मारू मिलले
मालू मिलले ढोलो आयो नल को,
मारू मिल ले
नल तो राजा में मारू भीखो पड्‌यो हो-2
खूंटी हार निगलगी गल को।
मारू मिल ले
नल तो राजा मे मारू भीखो पड्यो हो-2
ज्यां को भाई बदलग्यो जनम को।
मारू मिल ले
नल तो राजा में मारू भीखो पड्‌यो हो-2
जीं का भून्या तीतर उड़ग्या वन में।
मारू मिल लै
नल तो राज में मारू भीखो पड्‌यो हो-2
ज्यां का घुड़ला बदलग्या चढण का।
मारू मिल ले

एक चतर नार
एक चतर नार सरवण की
एक चतर...
तूं रै कुम्राही का बेटा भआी धरम को-2
हांडी धड़दे दोय पुड़त की।
एक चतर...
एक पुड़त में बीरा रांधू रै राबड़ी-2
दूजी में खीर मक्खन की।
एक चतर...
सासू सुसरै नैं बीरा घालूं रै राबड़ी-2
पीवजी नै खीर मक्खन की।
एक चतर...

बेटा सरवण
बेटा सरवण थडोो पाणीड़ो तो प्याय रै
बेटा सरवण
आला तो गीला सरवण बांस कटाया-2
एक कावड़ लीनी बणाय रै।
बेटा सरवण
मात-पिता नै सरवण कावड़ में बिठाया-2
बो तीरथा की सूरत लगाय रै।
बेटा सरवण
माता-पिता नै सारा तीरथ कराया-2
बो ओ ठो घरां कानी आय रै।
बेटा सरवण
वन में तो आतां बानै प्यास सताई-2
बेटा पाणीड़ो तो प्याय रै
बेटा सरवण
लेकर झारी सरवण पाणी नै चाल्यो-2
बो तो गयो एक तलाव रै।
बेटा सरवण
राजा दसरथ बठै तीर चलायो-2
बो सरवण कै सीनै में समाय रै।
बेटा सरवण

जोगी हुयग्यो रै
जोगी हुग्यो रै चंदरावल बीरो थां रो ए,
जोगी हुयग्यो रै
हाथ में तलवार राजा राठौड़ा कै सोवै रै-2
चिमटा तो सोवै स्यामी-मोड़ां कै।
जोगी हुयग्यो रै
काना मांय कुंडल राजा राठौड़ा कै सोवै रै-2
मंदरा तोसोवै स्यामी मोडां कै
जोगी हुयग्यो रै
केसरिया कसुमल राजा राठौड़ा कै सोवै रै-2
भगवां तोसोवै स्यामी मोड़ां कै
जोगी हुयग्यो रै
पगां मांय मोचड़ी राजा राठौड़ा कै सोवै रै-2
खड़ावू तोसोवै स्यामी मोडा कै
जोगी हुयग्यो रै

हर नै हर्यो
हर नै हर्यो ई रंग सुवावै रै,
हर नै...
हर्यो-हर्यो रंग सुवटियै नै सोवै-2
पांख-पांख रंग ल्यावै
हर नै...
हर्यो-हर्यो रंग छीपीड़ै नै सोवै-2
चूनड़ पर रंग ल्यावै
हर नै...
हर्यो-हर्यो रंग सिपायी नै सोवै-2
चूीन राजा को खावै
हर नै...

फिर-फिर मोजां
फिर-फिर मोजां मार रै भंवरा, मिनख जमारो फेर नई आवै
फिर-फिर रै
तेरै-तेरै कारम भंवरा, बाग लगाया-2
घूमण रै मिस आवो रै
फिर-फि रै
तेरै-तेरै कारण भंवरा, होद चिणाया-2
न्हावण रै मिस आवो रै
फिर-फिर रै
तेरै-तेरै कारण भंवरा, म्हैलण चिणाया रै
रैवण रै मिस आवो रै
फिर-फिर रै

गरब मत कर
गरब मत कर मोर छतर धारी
गरब मत कर
गरब कर्यो रै डूंगर की चिरमी-2
ग्यांको मुख कालो कर डार्यो
गरब मत कर
गरब क्रयो रै एक रतनासागर-2
ज्यांको जल खारो कर डार्यो
गरब मत कर
गरब कर्यो रै एक जंगल री हिरणी-2
ज्यांको रंग भूरो कर डार्यो
गरब मत कर
गरबकर्यो रै ेक बन को पपीयो-2
ज्यांको कंट बीध डार्यो
गरब मत कर

अन्दर झांको रै
अन्दर झांको रै मन मन्दिरिये को बिगड़यो खाको रै
अन्दर झांको रै
लोटा भर-भर पाणी गेरै मल-2 मेल उतारै रै-2
भीतर चढगी परत अनेकां कोनी नाको रै
अन्दर झांको रै
मुख में राम बगल में छुरी ऊपर मीठी बातां रै-2
धोखे देखै गलो काटदे भाई सगा को रै
अन्दर झांको रै
धोलो-धोलो चोलो पैहर्यो रंग ओपरो गेरयो रै-2
मैलो करतां सरम नां आवै मंडगो चांको रै
अन्दर झांको रै
पत्थर की मूर्ति थरपाई धो-धो तूं चमकावै रै-2
चाबै जर्दो पान पोस्त को मारै फाको रै
अन्दर झांको रै
हीणै जीव पर छुरी मैले बढ़ी पशुत ठाडी रै-2
दुर्गा जीण मनावै प्रेमी काम मजा को रै
अन्दर झांको रै

अनीति धारी
क्यूंकर धराी रै अनीति रीति जग की न्यारी रै
काल बलाकीर रै
लंकपति दश कंधर रावण ताकत कोनां चांको रै-2
घाल झोली में वन सूं लेगो सीता नारी रै
काल बलकारी रै
दुर्योधन नै पाण्डवां खातर नकली म्हैल बणायो रै-2
लाख महल तो जलगो बच्या पाण्डय सत्कारी रै
काल बलकारी रै
सौ करोवा ंको होय खात्मो कुरुक्षेत्र कै रण में रै-2
पाण्ड़व सागै बंशी बालो कृष्ण मुरारी रै
काल बलकारी रै
द्रोपती पर कीचक नीच उल्टी नती डिगाई रै-2
भीम जनाना भेस बणाकै दसा बिगाड़ी रै
काल बलकारी
हिरणाकुस हिडम्ब बाणासुर अश्वथामा बाली रै-2
भस्मासुर सा भस्म होया प्रेमी अहंकारी रै
काल बलकारी रै

पाखम्ड त्यागो रै
पाखण्ड लागो रै नर सत्करमा में लागो रै
पाखण्ड ल्यागो रै
तिनक लगावै माला फरै पापी मन नां डाय्यो रै-2
पीपल पूजै लोटो ढालै बांधै धागो रै
पाखण्ड त्यागो रै
पत्थर पूजै सीस झुकावै मां बांपा सूं अकड़ै रै-2
मिनख छोड़ देव जिमावै लाडू चूसो खागो रे
पाखण्डत्यागो रै
मुख में राम बगलमें छुरी तीर्थ मथुरा काशी रै-2
ब्याज भरोसै मूल खो दियो रोवै खांगो रै
पाखण्ड त्यागो रै
काती न्हावै जाड़ी बाजै फेरी खूब लगावै रै-2
सासूड़ी को फोड़्यो भोभरो उल्टो सांगो रै
पाखणअड त्यागो रै
सीस मुंडाकै गंगा न्हावै डमरू ढोल बजावै रै-2
करम करै बिन मुक्ति कोनी प्रेमी जागो रै
पाखणअड त्यागो रै

सूत्या जागो रै
सूत्या जागो रै खोटो अंधियारो आलस त्यागो रै
सूत्या जागो रै
भाग भरोसै बैठ्यो रोवै खूड़ो कोनी छोड़ै रै-2
चोपालां में तास खेलबा दोड्‌यो आगो रै
सूत्या जागो रै
पड्‌यो खाट में दावण तोड़ै तलै जेवड़ी लटकै रै-2
गोडां में सिर देकै सोवै टूटयो पागो रै
सूत्या जागो रै
सार सुधारो दोर लागै गपसप करण सोरो रै-2
बिना खाट कै नीचै सोवै बिच्छुं खागो रै
सूत्या जागो रै
भांग छूंतरां सूका फाखै आंख्या लाली छाई रै-2
कुण उडावै सिर बिछ्यां करगो कागो रै
सूत्या जागो रै
करम कर्यां सूं सुधरै मत सपनां में डूबै रै-2
प्रेमी छप्पर फडा कुणदेसी पीगो नाको रै
सूत्यां जागो रै

उ करम रेख
उधो करम रेख गति न्यारी
उधो...
धोलो-धोलो रुप दियनो बुगलै नै-2
कोयल कर दी काली।
उधो...
वेस्या तो ओढै उधो साल-दुसाला-2
पतिवरता नार उघाड़ी।
उधो...
अमर बेल कै फल कोनीलागै-2
तुमण बेल हजारी।
उधो...

केयणो मानो रै
केयणो मानो रै साथीड़ो, म्हारो केयणो मानो रै
केयणी मानो रै...
धोला-धोला दांत सदा-ई कोनी रेवै-2
आयो रै बुढापो बोखो हो ज्यासी।
केयणो मानो रै...
उफणती जवानी सदा-ई कोनी रैवै-2
आयो रै बुढ़ापो गोड़ा टिक ज्यासी।
केयणो मानो रै...
काला-काला बाल सदा-ई कोनी रैवै-2
आयो रै बुढ़ापो धोला हुय ज्यासी
केयणो मानो रै...
काचरो सी आंखसदा-ई कोनी रैवै-2
यायो रै बुढापो आंधो हुय ज्यासी
केयणो मानो रै...

देवरियो म्हारो
देवरियो म्हारो रीझ रह्यो परनारियां
सैलानी भंवरो रीझ रह्यो परनारियां
रीझ रह्यो पर नारियां
देवरिया म्हारो रिझ रह्यो परनारियां
सैलानी भंवरो रीझ रह्यो परनारियां
अम्बर में दीवलो जगै कोई बिन बाती बिन तेल-2
च्यारूं कूंटा च्यानणो जी कोई यो कुदरत को खेल-2
देवरियो म्हारो...
तेरी कोठड़ी मेरो चौबारो, दोन्यां की अड़ री कूट-2
पाड़़ोसी को डावडाजी कोई रह गयो छाती फूट-2
देवरियो म्हारो...

रुत आई रै
रुत आई रै पपीया तेरै बलोण की,
रुत आई रै
कुंण सै महीनैं में बोलै मोर-पपीया-2
कुंण सै महीनै हर की कोयलड़ी।
रुत आई रै
सावण कै महीनै में बोलै मोर-पपीया-2
भादूडै में बोलै हर की कोयलड़ी।
रुत आई रै
के तो खावै तेरा मोर-पपीया-2
कांी खावै हर की कोयलड़ी।
रुत आई रै
दाणा तो चुगै मेरा मोर-पपीया-2
आमा तो खावै हर की कोयलड़ी।
रुत आई रै
के तो पीवै तेरा मोर-पपीया-2
कांई पीवै हर की कोयलड़ी।
रुत आई रै
पाणी तो पीवै मेरा मोर-पपीया-2
दूधड़लो तो पीवै हर की कोयलड़ी।
रुत आई रै।

उड़ती कुरजलियो
उड़ती कुरजलियो संदेशो म्हारो लेती जाज्यो रै
उड़ती कुरजलियो
एक तो संदेसो म्हारो सुसरैजी नै दीज्यो रै-2
सासूजी नै पगां लागणा लूल-लूल दीज्यो रै
उड़ती कुरजलियो
एक तो संदेसो म्हारो जेठजी नै दीज्यो रै-2
जिठाणी नै पगां लागणा लुल-लुल दीज्यो रै
उड़ती कुरजलियो
एक तो संदोस म्हारो देवरियनै दीज्यो रै-2
दर्योराणी नै प्यार को मजुरोल लुल-लुल दीज्यो रै।
उड़ती कुरजलियो
एक तो संदेसो म्हारो सायबजी नै दीज्यो रै-2
सायबण का सात सलाम लुल-लुल दीज्यो रै
उड़ती कुरजलियो


घुंघट खोल दे
घुंघट खोल दे भायां की भावज हियो बिलखै
हियो बिलखै यो पियो निरखै
घुंघट खोल दै...
चांद कै चांदणियै गोरी को टेवटियो घड़ीजै रै-2
दीवलै कै चांदणै पियो निरखै
घुंघट खलो दै...
चांद कै चांदणियै गौरी को मादलियो घड़ीजै रै-2
दीवलै कै चांदमै पियो निरखै।
घुंघट खोल दै...
चांद कै चांदणिय.ै गोरी को गलपटियो घडीजै रै-2
दीवलै कै चांदमै पियो निरखै।
घुंगट खोल दै...
चांद कै चांदमियै गोरी की पालयड़ी घडीजै रै-2
दीवलै कै चांदणै पियो निरखै
घुंघट खोल दै...

घड़वादै मेरा श्याम
घड़वादै मेरा श्याम बाजणती बंगड़ी,
घड़वादै रै...
बागां मांय जावूं तो बंगड़ी रुण-झुण रुण-झुण बाजै रै-2
फुलड़ा तोडूं तो गरणवै बंगड़ी
घड़वादै रै...
पणघट पर जावूं तो बंगड़ी रुण-झुण, रुण-झुण बाजै रै
घड़लो भरुं तो गरणावै बगड़ी।
घड़वादै रै...
रसोया में जावूं तो बंगड़ी रूण-झुण, रुण-झुण बाजै रै
फलको बेलू तो गरणावै बंगड़ी।
घड़वादै रै...
म्हैला मांय जावूं तो बंगड़ी रूण-झुण, रुण-जुण बाजै रै
पीव नै रिझावूं तो गरणावै बंगड़ी
घड़वादै रै...

कटवादै मेरा श्याम
कटवादै मेरा श्याम चन्नण बिड़लो,
कटवा दै रे...
कुणसी दिसा में तेरो रुंख चन्नण को-2
कुणसी दिसा में रै खाती को लड़को
कटवा दै रै...
पुरब दिसा में मेरो रूंख चन्नण को-2
उतर दिसा मंै रै खाती को लड़को
कटवादै रै...
ई रै चन्नण को म्हनै ढोलियो बणवादै रै-2
पोढैगी नार निरखैलो रसियो।
कटवादै रै...

घर आज्या मेरा श्याम
घर आज्या मेरा श्याम उडीकै गौरी
घर आज्या...
कुंण सै महीनै में आवै गौरां की गणगौरां-2
कुंण सै महीनै आवै होली खेलण की।
घर आज्या...
चेत कै महीनै में आवै गोरां की गणगौरां-2
फागणियै में आवै होली खेलण की।
घर आज्या...
कुणयाजी कै सागै पूजां गौरां की गणगौरा-2
कुणयाजी कै सागै होली खेलण की।
घर आज्या...
नणदूली कै सागै पूजां गौरां की गणगौरा-2
रसियै कै सागै होली खेलण की।
घर आज्या...

बिना कजलै
बिना कजलै सुवागण मैंदी काहे सूं रची
बिना कजलै...
कठै तो बुवाद्यूं तेरो झीणो-झीणो कजलो-2
कठै बुवाद्यूं बूंटो रचणी को।
बिना कजलै...
खेतां में बुवाद्यूं तेरो झीणो-झीणो कजलो-2
क्यार्यां में बुवाद्यूं बूंटो रचणी को।
बिना कजलै...
काहे सूं सींचाद्यूं तेरो झीणो-झीणो कजलो-2
काहै सूं सींचाद्यूं बूींटो रचणी को।
बिना कजलै...
पाणी सूं सींचा द्यूं तेरो झीणो-झीणो कजलो-2
दूधड़ले सींचाद्यूं बूंटो रचणी को
बिना कजलै...
काहे सूं निनाणूं तेरो झीणो-झीणो कजलो-2
काहे सूं निनाणूं बूंटो रचणी को।
बिना कंजलै...
कसियां निनाणूं तेरो झीणो-झीणो कजलो-2
खुरप्यां निनाणुं बूंटो रचणी को
बिना कजलै...
काहे सूं कटवाद्यूं तेरो झीणो-झीणो कजलो-2
काहे सूं कटवाद्यूं बूंटो रचणी को
बिना कजलै...
दांतलयां कटावाद्यूं तेरो झीणो-झीणो कजलो-2
चूंठ्यां सूं उपडाद्यूुं बूंटी रचणी को
बिना कजलै...

सपनै में
सपनै में नींदड़ली बैरण काहे सूं उडी
सपनै में...
के सपनैं में धण नै प्यास लाग्याई-2
पाणीड़ो मंगाद्यूं धण नै अब की घड़ी
सपनै में...
के सपनै में धण नै भूख लग्याई-2
लाडूडा मंगाद्यूं धण नै अब की घड़ी।
सपनै में...
के सपनै में धण नै मां याद आई-2
पीवरियै पहुंच्यादूं धण नै अब की घड़ी।
सपनै में...

रै चाल ये
धीरै चाल ये पणियारी लैंगो गरद भरै,
छीरै चाल ये सुवागण लैंगो घुमर भरै,
धीरै चाल ये...
धीरै-धीरै चालू म्हारी सेहल्यां लड़ै-2
उतावली चालूं तो पग में मोच पड़ै।
धीरै चाल ये...
धीरै-धीरै चालूं म्हारी सासूजी लड़ै-2
उतावली चालूं तो मटकी को पाणी ढुलै।
धीरे चाल ये...
धीरै-धीरै चालू म्हारी जेठाणी लड़ै-2
उतावली चालूं तो पग सूं गरद उड़ै।
धीरै चाल ये...
धीरै-धीरै चालूं म्हारा सायबजी लड़ै-2
उतावली चालूं तो म्हारो जोबन झलै
धीरै चाल ये...

पचरंग फागणियो
पचरंग फागणियो रंगवादे, होली खेलण को,
पचरंग फागणियो...
पैलो तो रंग म्हारै सुसरोजी नै-2
लाड लडाया बाबल का
पचरंग फागणियो...
दूजो तो रंग म्हारा सासूजी नै-2
याद भुलाई म्हारी मायड़ की
पचरंग फागणियो...
तीजो तो रंग म्हारो देवर न्यारो-2
काजलियो है म्हारी आंख्या को
पचरंग फागणियो...
चोथो तो रंग म्हारी नणदल बाई-2
कोयलड़ी है म्हारै बागां की।
पचरंग फागणियो...
पंवचो तो रंग महारा छैल भंवरजी प्यारा02
हिवड़ै लगाई म्हनै रंग रसियो।
पचंरंग फागणियो...

कैयां पोवूं रै
कैयां पोवूं रै देवर नाड़ो रेसम कों,
कैयां पोवूं रै
रेसमानी चूनड़ी म्हारी भाभीजी के सोवै रै-2
देवरियै कै सोवै नाड़ो रेसम को।
कैयां पोवूं रै
रेसमानी कब्जो म्हारी भाभीजी कै सोवै रै-2
देवरियै कै सोवै नाड़ो रेशम को
कैयां पोवूं रै
रेसमानी लैंगो म्हारी भाभीजी कै सोवै रै-2
देवरियै कै सोवै नाड़ो रेशम को।
कैयां पोवूं रै

हरियै रूमाल
हरियै रूमाल वालो देवर म्हारो रै
हरियै रूमाल...
म्हारै तो देवर कै सरदी-गरमी हुयगी रै-2
तातो-तातो सीरो घालू कोनी सा'रै रै
हरियै रूमाल...
म्हारै तो देवर का घाबा फीका-फीका पड़ग्या रै-2
नूंवो बागो सिवाद्यूं कोनी सा'रै रै
हरियै रूमाल...
म्हारै तो देवर का जूता बांका-टेडा हुयग्या रै-2
नूंवा बीनोटा मंगवाद्यूं कोनी सा'रै रै
म्हारै तो देवर कै मूंछ्या चिलकण लागी रै-2
छेकड़ली भांण परणाद्यूं कोनी सा'रै रै
हरियै रूमाल...

कठै आवैगो
कठै आवैगो भोजआई राणो काछ बियो..
कठै आवैगो
चालो ये भोजाई आपां बागां मांय चालां ये-2
फूलड़ा तोड़ैगो राणो काछ बियो।
कंठै आवैगो
चालो ये भोजाई आपां पणघट ऊमर चालां ये-2
घड़लो उठासी राणो काछ बियो।
कठै आवैगो...
चालो ये भोजाी आपां ठेकां ऊपर चालां ये-2
दारूड़ी पीवैगो राणो काछ बियो।
कठै आवैगो...

जादू डार्यो रै
जादू डर्यो रै सूवा पर रतनारी मैना,
जादू डार्यो रै...
कांई तो चुगैलो म्हारो हरियो रै सुवटियो-2
कांई चुगैली रतनारी मैना...
जादू डार्यो रै...
दाल चुगैलो म्हारो हरियो रै सुवटियो-2
दाख चुगैली रतनारी मैना
जादू डार्यो रै...
कांई तो पीवैलो म्हारो हरियो रै सुवटियो-2
कांई पीवैली रतनारी मैना
जादू डार्यो रै
पाणी पीवैलो म्हारो हरियो रै सुवटियो-2
दूध पीवैली रतनारी मैना
जादू डार्यो रै...

चालो देखण नै
चालो देखण नै बाईजी थांरो बीरो नाचै रै
चालो देखण नै...
च्यार तो चंगां री जोड़ी सोनीड़ै रै घर बाजै रै-2
सोनीड़ी रै गोरड़ी पायल पर नाचै रै
चालो देखण नै...
च्यार तो चंगां री जोड़ी कुम्हारां रै घरां बाजै रै-2
कुम्हारी री गोरड़ी पतड़ै पर नाचै रै
चालो देखण नै...
च्यारतो चंगां री जोड़ी कलालां रै घरां बाजै-2
कलालां री गोरड़ी बोतल पर नाचै रै
चालो देखण नै...

चालो देखण नै-2
चालो देखण नै बाई सा थारो बीरो नाचै रै
चालो देखण नै...
आ रसियां री टोली देखो ढोलक चंग बजावै-2
घूमर घालै सायबजी लुल-लुल नाचै रै
चालो देखण नै...
बणकर बींद सेवार बांध्या, रंग में भर्या बराती-2
मूंछ्यां वाली बींदणी रै सागै नाचै रै
चालो देकण नै...
च्यार तो चंगां री जोड़ी बाजारां में बाजै रै-2
गोखै बैटी गोरड़ी घूंघट में झांकै रै
चालो देखण नै....
च्यार तो चंगां री जोड़़ी बागां मांई बाजै रै-2
फूलड़ा चुगती छोरियां चंगां पर नाचै रै
चालो देखण नै...

पाछी जाबा दे
पाछी जाबा दै, म्हारै पीहर की सैनाणी ल्याबा दे,
पाछी जावणदे,
हाथां का हथफूल महारा पीवरियै में रेयग्यो रै-2
मोत्यां आलो हार पीवर में रेयग्यो रे
पाछी जावण दे...
हाथां का हथफलू थारै और घड़ास्या ए-2
थारै बिना घड़ी ए ना मन लागै। म्हारी बात मानो ए
कोनी जावणद्यूं पीवरियै गौरी, कोनी जावणद्यूं
साटण वालो लैंगो म्हारो, पीवरियै में रैयग्यो रै-2
तारंा जड़ी चुनड़ी बुगचै में रेयगी रै
पाछी जावण दै...
चूनड़ी मंगास्या और लहरियों रंगास्या ए-2
कोई फागणियै रै फाग सिलवाण ए
कोनी जावण दू...
संग की सहेल्यां म्हारी पीवरियै में रैयगी रै-2
बालपणै रा साथीड़ा पीवरमें रेयग्या रै।
पाछी जावण दै...
थां बिन गौरी म्हारो आंगण सुनो-2
कोई म्हैलां में मन बिलमास्यां ए
थांरै पीवर की याद भुलास्यां ए
कोनी जावण दूं....

गीगा सोज्या
गीगा सोज्या मेरा लाल देवंगी लौरी,
गीगा सोज्या रै...
कुंण सी नगरी में तेरो बण्यो रै पालणो-2
कुंण सै नगर मे ंजड़ाव जड्यो।
गीगो सोज्या रै...
दिल्ली नगरी में मेरो बण्यो पालणो-2
जैपर नगर में जड़ाव जड्यो।
गीगा सोज्या रै...
खातण को बेटो मेरो घड्यो रै पालणो-2
सोनीड़ै रै लाडलो जड़ाव जड्‌यो।
गीगा सोज्या रै...
कै तो मासा रो तेरो घड्यो रै पालणो-2
कै मासा को जड़ाव जड्यो।
गीगा सोज्या रै..य
नौ मासा रो मेरा घड्‌यो रै पालणो-2
दस मासा रो जड़ाव जड्यो।
गीसा सोज्या रै...
कुंण तो झुलावै तन्नै रै पालणो-2
कुंण सुणावै तन्नै लोरी
गीगा सोज्या रै...

लाल केसरिया
लाल केसरिया ! उभी जोवूं तेरी बाट रै
लाल केसरिया...
आवै तो थूं बेल्या पैली आइजै रै-2
दाल तो रंधावू आदण ऊकणै...
लाल केसरिया
आवै तो थूं आधी पैली आइजै रै-2
पछै तो मेलै रै सासू पीसणो...
लाल केसरिया...
आवै तो थूं डागलियै ले चाली रै-2
डागलियै सूं दीखै दिल्ली-आगरो
लाल केसरिया...
आवै तो थूं कुवै पर ले चाली रै-2
कुवै में कबूतर बोलै सोवणा
लाल केसरिया...
थारै म्हारै फागणियै को कौल रै-2
पछै रै आयो तो गोता खावसी
लाल केसरिया...

लेणो छोड़ो रै
लेणो छोड़ो रै दारू को गुटको ठाडी व्याधी रै
होग्यो आदी रै..
जेवर, गैणा, कपड़ा, ठेकै पर धर आयो-2
खेत बही में गिरीव मेल्यो, होगी बरबादी रै
होग्यो रै आदी रै
ठेकै पर सूं धरा मैं आकै शोलै फिलम रचाली रै-2
मां-बाप नै गाल्यां सूं भांड्यो छान जलादी रै...
होग्यो रै आदी रै
जाय गली में पसरग्यो नाली मांय सिर दीन्यो रै-2
आयो रै कुतड़ो टांग उठाई धार लगादी रै...
होग्यो आदी रै

बेटा बेटी एक
बेटा बेटी एक पेटा का क्यूंकर फरक लगावै रै
नाक चढ़ावै रै...
जद घर में बेटी जलमै खाणो तक न खावै रै-2
ताईं बोले दगड़ आ पड्यो, सरम न आवै रै
नाक चढ़ावै रै...
जिण दिन जलमै छोरो घर में बटै बधाई रै-2
झुगला टोपी भूवा ल्यावै होलर गावै रै
नाक चढ़ावै रै...
छोरै रा तो हरख मनावै दादी थाल बजावै रै-2
छोरी सूं स्यापो पड्यो कोख बुरावै रै
नाक चढ़ावै रै...
छोरै सूं हीणी कद छोरी दै इतियास गवायी रै-2
झासंी री रामी गाथा दुनयिा गावै रै
नाक चढ़ावै रै...
जे कोई बेटी नै जामै तो बणज्या इन्दिरा गांधी रै-2
बणै करिण-कल्पना घणओ नांव कमावै रै
नाक चढ़ावै रै

बीरा मर्योड़ा मायत
बीरा मर्योड़ा मायत नै मत काग बणावै रै
सराध जिमावै रै
टुकड़ा दे दे बछड़ा पालै लाड घमओ लड़ावै रै-2
सींग उगै तो मारण आवै, सांग रचावै रै
सराध जिमावै रै
दुख-सुख पाकै ब्याहवै थ्यावै लाडी आज्या गेलै रै-2
मां बाप सूं झगड़ै न्यारो भोम बसावै रै
सरधा जिमावै रै
जींवतड़ै रोटी कोनी मर्योड़ा रा लाडू उछालै रै-2
फूलचंद कैवै दोगला नै सरम न आवै रै
सराध जिमावै रै

मतना बिको रै
मतना बिको रै भाया छोड़ो मौसर टीको रै
मतना बिको रे...
तेरै बाप रो मौसर किन्यो अणतको रिपिया दीन्या रै-2
गैणौ खेत ब्याज में लिन्यो पड़ग्यो भीखो रै
मतना बिको रै...
पढ़ा-लिखा बेटी परणावै रिपिया खूब लगावै रै-2
दान दायजो घर बिकायो, रिस्तों फीको रै
मतना बिको रै...
बाल-विवाह रो चरसो माड़ो छोरा रा पग काटै रै-2
आई साल रो जापो दोरो टोटो घी को रै
मतना बिको रै...

ठाडी व्यााी रै
अणगिण टाबरियां री कुचमादी सैवै अणची दादी रै
ठाडी व्याधी रै...
एक छात पर चढ़कै रोवै दूजो तोड़ै खाट रै-2
तीजडो बण्यो परलाद गलयां में छान जलादी रै
ठाडी व्याधी रै..
चौथू लटक्यो उंधो पवेड़ कै बणोय सगतीमान रै-2
कुचमादिड़ो मुसमआं री राख उडादी रै
ठाडी व्याधी रै...
हूंतो मरोड़ै हाथ बाप को झूंथो खींचै कान रै-2
खड़तो खोदै सिर सूं खाई घमओ अलबादी रै
ठाडी ब्याधी रै...
एक कमावू खावू ज्यादा फैली घणी बेकारी रै-2
फूलचंद कैवै डाटो बढ़ती जा आबादी रै
ठाडी व्याधी रै...

दुनिया मतावाली
सुलगै सोसण री भट्टी में भोलो अणपढ़ हाली रै
दुनिया मतवाली रै...
बिरखा कोजद महीनो आज्या करै बुवाई खेतां में-2
हल सूं नातो जोड़ै रोटी ल्यावै घरवाली रै
दुनयिा मतवाली रै...
करतो खून पसीनो ठाडो मरणो जीणो मैणत में-2
सरदी गरमी खूब सतावै करै रुखाली रै
दुनयिा मतवाली रै...
पकज्या धान लाटै में गेरै सुमरै स्यावड़ माता नै-2
मूंग मोठ बाजरी लारै करै गुवाली रै
दुनयिा मतवाली रै...
मांगतोड़ा री लैण लागग्या लेज्यां भर-भर बोरी रै-2
तोल मोल करै कोनी फूलो हाथां खाली रै
दुनिया मतवाली रै...

कम ना नारी
कम ना नारी रै मरदां कै सागै दौड़ लगारी रै
कम ना नारी रै...
गढ़ दिल्ली सूं चाल्यो आयो खिलजी नीत डिगाई रै-2
जोहर कर्यो पदमणी राणी ले चिणगारी रै...
कम ना नारी रै...
नाइटिंगल अर मदर टेरेसा गरीबा री सरीकार रै-2
जण सेवा में जीवण होम्यो परोपकारी रै...
कम ना नारी रै...
अकबर रै दरबपार में आकै करणी भई महाराणी रै-2
प्रियी सिंघ रा पिराण बचाया फांसी टारी रै
कम ना नारी रै...
महादेवी लक्ष्मी चूंडवात सुभद्रा लता आशा रै-2
पी.टी. उषा, सानिया मिरजा घमी अगाड़ी रै
कम ना नारी रै...

कुल में नार
कुल में नार कुलखणी आज्या करदै घर की माटी रै,
डटै न डाटी रै...
घरवालै नै तूं-तूं करती थे-थे कैवे मणियारा नै-2
देवरजेठ सूं पालो मांडै पीसै जाडी रै
डटै न डाटी रै...
बीमारी का करै बहाना रोटी पति बणावै रै-2
आधी रात नै आवै डागदर देखै नाड़ी रै
डटै न डाटी रै...
प्रेमी बैद नै देख कै मुलकै मन ई मन हरखावै रै-2
हंसकै नजिर मिलावै पढ़ती उल्टी पाटी रै
डटै न डाटी रै...

आफत मोटी रै
आफत मोटी रै टोटै में बिकज्या किला कोठी रै
आफत मोटी रै...
कंगाली में आटो गीलो राजा बणै भिखारी रै-2
बियावाना में फिरै भटकतो बांध लंगोटी रै
आफत मोटी रै...
तन रा कपड़ा दुस्मन होज्या घर रा सब निर्मोही रै-2
नाती साथी मुकढ़ो मोड़ै बेटा बेटी रै
आफत मोटी रै...
भीखो पड़ग्यो हरिशचन्द्र में बिकग्या बेटा राणी रै-2
नीर भरे भंगी कै खावै लुखी रोटी रै
आफत मोटी रै..
सत्यवान कंगाल बण्यो जद छुटग्यो सालम देस रै-2
हाथ कुल्हाड़ो लकड़ी काटै ल्यावै भरोटी रै
आफत मोटी रै..
राजा अर महाराजा सगला टोटै सूं घबरावै रै-2
फूलचंद जद टैम बिगड़ज्या बिकज्या झोटी रै
आफत मोटी रै...

नुगरो माच्यो रै
नुगरो माच्यो रै, डट्यो न डाट्यो रै,
नुगरो माच्यो रै...
सतसंग में जा भाठा फैकै आडू नै कुण डाटै रै-2
राष्ट्रगान री टैम स्कूलां जाकै नाच्यो रै
नुगरो माच्यो रै...
घरां लुगाई टाबर टिकर नुगरै सूं दे टालो रै-2
काकी तांई पगां पड़ैजद पंगो राच्योरै...
नुगरो माच्यो रै...
गेलै में नुगरा नै सगला झुक-झुक सीस निवावै रै-2
पोथी फाड़ बगादी प्रेमी नुगरो बांच्यो रै
नुगरो माच्यो रै...

हालत माड़ी रै
हालत माड़ी रै घर-घर मं फैली धोखा धाड़ी रै
हालत माड़ी रै...
भाई-भाई करै लड़ाई प्रेम पुराणो कोनी रै-2
कोर्ट केस मुकदमों चालै दसा बिगाड़ी रै
हालत माड़ी रै...
़बेटै बाप रो झगड़ो चढग्यो समझै ना समझाया रै-2
घर सूं बारै काढै बाप क थप्पड़ मारी रै
हालत माड़ी रै...
अफसर बाबू रिश्वत बिना फाईलन ना सरकावै रै-2
फाईल ऊपर बोज पड़ै काम अगाड़ी रै
हालत माड़ी रै...
दफ्तरां में भीड लगारी वाजिब काम ना होवै रै-2
उल्टफेर सूं काम बणै घोटालो भारी रै
हालत माडी रै...
काण कायदा टूटया सारा बड़प्पण कै मांय डूब्या रै-2
फूलचंद न सकै हल में जोड़ी पाड़ी रै
हालत माड़ी रै...

करल्यो चेतो रै
करल्यो चेतो रै, मायड़ भासा रा नेतो रे,
करल्यो चेतो रै...
बीत्यो पूरो एक पचासो, अबप न देर लगावो रै-2
लेस्यां मायड़ मान पांयचा पीड़ो थे तो रै
करल्यो चेतो रै...
बिना मान्यता मायड़ म्हारी बांझ कुवावै रै-2
जीणो है धरकार पीट ना मसलो रै
करल्यो चेतो रै...
मरुभोम नै आखी दुनयिा लुण-लुण सीस नवावै रै-2
बिना मानता हाण खोड़ा मा कलपां म्हे तो रै
कल्यो चेतो रै...
सै लाडेसर नेम धारल्यो मानता दिवास्यां रै-2
रामदास कहै सगला चालो करकै एको रै
करल्यो चेतो रै...

सगला आवो रै
सगला आवो रै मायड़ नै मान्यता दिरावो रै
सगला आवो रै...
धरक जवीणोमिनखां रो दूधो लजावै रै-2
मायड़ भाशा फिरै कलपती धीर बंधावो रै
सगला आवो रै..
बोलण में आ चोखी लागै सगला रै मन भावै रै-2
देवी-देवता इण मोभी रा नीर बहायो रै
सगला आवो रै...
मायड़ भासा मीठी भासा मेवा सा बरसावै रै-2
देखत-देखत नैण थाकग्या अब न तरसावो रै
सगला आवो रै...
बिना मानता कुकर जिस्यां बरसा बीतग्या बोला रै-2
रामदास कहै घर-घर अलख जगावो रै
सगला आवो रै...

भासा म्हारी रै
भासा म्हारी रै, बोलण में लागै डाढी प्यारी रै
भासा म्हारी रै...
चढ़ै जीभड़ी कोड मोकलो है बोलण में सोरी रै-2
सब्दां रो नी पार साल ज्यूं भरी बखारी रै
भासा म्हारी रै...
भणता भूलै ाप न दिवस, भूल्या रातां रै-2
सुणबा लागै बात भूलग्या तोल बूवारी रै
भासा म्हारी रै...
सुणता-सुणता काम भूलज्या पाव भूलज्या बाटा रै-2
टीटी भूलै टिगट काटणो गांव सवारी रै
भासा म्हारी रै...
मायड़ भासा मीठी भासा सगलां रै मन भावै रै-2
रामदास कहै सुण-सुण मुलकै मिनख बजारी रै
भासा म्हारी रै...

दिल्ली चालो रै
दिल्ली चालो रै मायड़ रा लालो देवूं झालो रै...
दिल्ली चालो रै
थकां सपूता हीणी मायड़ धरक आपणो जीणो रै-2
मायड़ रै बिन मान मानखो जासी एल्यो रै
दिल्ली चालो रै
मायड़ भासा फिरै कलपती बिना मानता हाणी रै-2
हीणा समझै लोग, दूध री लाज बचावो रै
दिल्ली चालो रै
संसद रै आगै देस्या आपां सगला धरणो रै-2
कोनी हटां अबार भायलो नैचो करल्यो रै-2
दिल्ली चालो रै
भासा री कोई कदर नई ज्यूं फाट्यो छाछ रो पाणी रै-2
रामदास कहै बिन मानता कालपै व्हालो रै
दिल्ली चालो रै

काली टोपी रो
काली टोपी रो, फिरंगी फैलावै कर्यो रै
काली टोपी रो...
मोड की मगरी रो पाणी ढालो ढाल ढलियो रै
आबू थारै पहाड़ां में अंगरेज बड़ियो रै
काली टोपी रो...
देस में अंगरेज ाो, कांई-कांई ल्यायो रै-2
फूट नांखी भायां में बेगार ल्यायो रे
काली टोपी रो..
बारली तोपां रा गोला धूड़गढ में लागै रै-2
मायंली तोपां रा गोला तंबू तोडोै रै..
काली टोपी रो...
मायंली तोपां तो छूटै, आड़ावलो धूजै रै-2
आउवा वालो नाथ सुगाली पूजै रै
काली टोपी रो...
राजाजी रा घडोलिया काला लारै दोड़ रै-2
आउवै का घोड़ा तो पछाड़़ी दोड़ै रै
काली टोपी रो...

गोरा हट ज्या रै
गोरा हजज्या रै राज भरतपुर को
गोरा हटज्या रै...
भरतपुर गढ़ बंको रै किलो बंको-2
अठै तो बाजै म्हारो डंको
गोरा हटज्या रै...
एक कानी लड़ै आठ-आठ गोरा-2
दूजी कानी जाट का दो छोरा
गोरा हटज्या रै...
तूं मत जाणै रै लड़ै बैटा जाट का-2
पालो मांड्यो रै बेटा दसरथ का
गोरा हटज्या रै...

तन्नै रंग हो
तन्ने रंग हो जाट भरतपुर का
तन्नै रंग हो...
गढ़ री कूंट कुवो पणघट को-2
नौ सौ-नौ सौ नार पाणीड़ो भरती
तन्नै रंग हो...
बुरजा-बुरजा धर्यो तोप रै खला-2
भंवर बंदूक कांधै धरी रैती
तन्नै रंग हो...
भाई-भतीजा की बणी कचेड़ी-2
गोडी सूं गोडी अडी रेती
तन्नै रंग हो...

धाड़ो दोडो रै
धाड़ो दोड्यो रै भूरजी पाटोदै वालो,
धाड़ो दोड्यो रै...
भूरजी म्हैल में सूत्या दासी आय जगाया रै-2
सूत्या हो कै जागो भूरजी हाकम आयो रै,
धाड़ो दोड्यो रै...
पैली पेड़ी पग धर्यो भूरजी छोटी बाई बरजै रै-2
दूजी पेड़ी धर्यो पांवड़ो बरजै मायड़ रै
धाड़ो दोड्‌यो रै...
तीजी पेड़ी पग धर्यो भूरजी गौरी तांनै बरजै रै-2
चौथी पेड़ी धर्यो पांवडो आई मूरछां रै
धाड़ो दोड्यो रै...
अखाडा मैं जाता भूरजी बांयो तीतर बोल्यो रै-2
कोचरड़ी नखराली बैरण आडी फिरगी रै
धाड़ो दोड्यो रै...
ढाल तो तलवार भूरजी म्हैला मांय रैयगी रै-2
भर्योड़ी बंदूक बैरण धोखो देगी रै
धाड़ो दोड्यो रै...

कोड़ां कुरबानी
लाडलै लालां होली लाल लहू सूं खैली रै
आफतां आजादी तांई केके झेली रै
कोड़ां कुरबानी...
एक तो कुरबानी प्यारा नेताजी तो दीन्ही रै-2
दूसरी कुरबानी कुनबो नेहरू दीन्ही रै
कोड़ां कुरबानी...
कालजै का टुकड़ा-टुकडा गोल्यां सूं उडाया रै-2
खुदीराम बिस्मिल का बेटा कठै गमाया रै
कोड़ां कुरबानी...
फांसियां कै झुलै ऊपर भगतसिंह सा झुल्या रै-2
राजगुरु सुखदेव जियां का कैयां भूल्या रै
कोड़ा कुरबानी...

जिन्नो जबरी रै
जिन्नो जबरी करदी रै, तो कौम भिड़ादी रै
जिन्नो जबरो रै...
गोरा माठा घोल गूंथ्यो जिन्नै कोसींग बधाया रै-2
नैरु नै भी टुकड़ो गेर्यो पूंछ हिलादी रै
जिन्नो जबरो रै...
जिन्नो बोल्यो देस पर तोराज में ई करस्यूं रै-2
ग्यानी बोल्यो नेरु पटावी बणकै रैसी रै
जिन्नो जबरी रै
जिन्नो बोल्यो ईट सूं ईट बजाद्यगो रै-2
ग्यानी बोल्यो रुई सो पिनवा द्यूंगो रै
जिन्‌ो जबरी रै
जिन्नो दूरजो जबरो महभारत रचवादी रै-2
कोरु-पांडू खप्या मोकला, देस की दो फाड़ करादी रै
जिन्नो जबरी रै...

कित्त चाल्यो रै
कित्त चाल्यो रै सिपायी मुलक तजकै
कित्त चजाल्यो रै...
दादोजी बरजै तन्नै बाबल भी बरजै-2
मायड़ तो बरजै तन्नै हंस हंस कै
कित्त चाल्यो रै..
बाबोजी बरजै तन्नै काको भी बरजै-2
भुवाजी तो बरजै तन्नै हंस-हंस कै
कित्त चाल्यो रै...
साथीड़ा बरजै तन्नै प्यारा भी बरजै-2
बेनड़ तो बरजै तन्नै हंस-हंस कै
कित्त चाल्यो रै...
भाई तो बरजै तन्नै भावज भी बरजै-2
गोरड़ी तो बरजै तन्नै हंस-हंस कै
कित्त चाल्यो रै...

नित बरसो रै
नित बरसो रै मेवा म्हारी बागड़ में
नित बरसो रै
म्हाीर तो बागड़ में मेवा गाय घणै री-2
धोली-धोली गाय सुरंगा बछड़ा
नित बरसो रै...
म्हारी तो बागड़ में मेवा मोठ बाजरी घणै री-2
हरिया-हरिया मूंग गुंवार फली
नित बरसो रै...
म्हारी तो बागड़ में मेवा ऊंट घमैरा रै-2
लांबी-लांबी नडा थूवो गजब को।
नित बरसो रै...

ऊंचो घाल्यो पालणो
ऊंचो घाल्यो पालणो-2 यो जल जमाना रै तीर-2
झोटादेसी सायबो म्हारी लाल नणद रो बीर-2
गीगा सोज्या मेरा लाल, थांरै बाप नै राजी करद्यूं
हंस-हंस के बतलाय
गीगा सोज्यां मेरा लाल, रात कासुख देवां गीगा
घड़ी एक सोज्या लाल
पतला-पतला फलका पोया, उजली रांधा खीर-2
नूंत जिमाऊं सायबो, म्हारी लाल नणद रो बीर-2
गीगा सोज्या...थांरै बाप...
ऐ पाड़ोसण पातली तूं घड़ी एक गीगो राख-2
लाडू देवूं सूंठ को तनै सै जलवा की रात-2
गीगा सोज्या...थांरै बाप...
ई पसवाड़ै गीगलमो म्हरै ई पसवाड़ै पीव-2
दोन्यो के पिचालै म्हारो नाजुकड़ो सो जीव-2
गीगा सोज्या...थांरै बाप...
चांदड़लो गिगनार्या मुलकै आई मांझल रात-2
सेजां आयो सायबो कोई कहद्यूं मन की बात-2
गीगा सोज्या...थांरै बाप...

नैणां नीचा करले
नैणां नीचा करले श्याम सै मिलावेली कांई
ए नैणां नीचा करले
तीखै-तीखै नैणां में झीणो-झईमों कजरो
हां ए राधे नैणां स्यूं नैण मिलावेली कांई
ए नैणां नीचा करले
नैणां नीचा...
गोरी0गोरी बहियां में हरी-हरी चूड़ियां
हां ए राधै, झालो दे र बुलावेली कांई,
ए नैणा नीचा करले
नैणां नीचा...
गोरे-गोरे पगल्या में बज
रही पायल
हां ए राधे, नाच-नाच
के रिझावेली कांई
ए नैणां नीचा करले नैणां नीचा...