कोई करतो वेला काम यार
कोई करतो वेला काम यार,
आपणे तो चाहिये दाम यार।
कोई काम करे तो करतोवे,
बळदयों तो घाणी में फरतो रे।
बन्दो मौजा में फरतो रे,
फोगट में तेल निकळतो रे।
अजगर करेन चाकरी,
पंछी करेन काम यार।
कोई करतो वेला काम यार.....!
ओरा री खींच ऊंगाड्या जा,
पूंजी ने उंड़ी गाड्या जा।
जो माल मिले वो छाण्याजा,
लाम्बी चादर ने ताण्या जा।
पण ओ तो ध्यान राखणो पड़सी,
ठण्ड़ीया नी मरजा पामणा यार कोई।
ओ तेल मुफत रो बाळ्यां जा,
धोखा रो काजळ गाल्या जा।
लाल्यारों चन्दन रगड्या जा,
टुकड़ेली गंड़क पाल्या जा।
टुको दो टुको नाख अरे,
वण जावेला गुलाम यार।
कोई करतो वेला काम यार.....!
अफसर ने अरे उच्चाया जा,
जनता रो पईसो खाया जा।
मोटा रे मुन्ड़े लाग्या जा,
अन्दाजा गोळया दाग्या जा।
कोई तो निशाळो लगे ही आपणो,
वण जावेला काम यार।
कोई करतो वेला काम यार......!
तो लुवण पाछे लटक्या जा,
भाषण में गप्पा पटक्या जा।
छाटण ने राबड़ी गटक्या जा,
वर्कर ने निचे पटक्या जा।
सोना रो कड़ो नी मिलसी,
अब तो कर आराम यार।
कोई करतो वेला काम यार.....!
पितल अर सोना एक भाव,
घोड़ो अर गधो एक भाव।
ई वगत एक ही रंक राव,
ई माही रहग्यों खाव – खाव।
निखावेला पछतावेला बळ,
जावेला जद चाम यार।
कोई करतो वेला काम यार,
आपणे चाहीये दाम यार।
|
ए ऐ ओ औ अं अ:
